شٸلدەنٸڭ باسىنان بەرٸ نۇر-سۇلتان قالاسىندا پتر تەست انىقتاماسىن جاساپ ساتۋدىڭ ەكٸ فاكتٸسٸ تٸركەلگەن, دەپ حابارلايدى "ۇلت اقپارات".
ٸشكٸ ٸستەر مينيسترلٸگٸنٸڭ باسپاسٶز ٶكٸلٸ شۇعىلا تۇرلىبەك ۆەدموستۆونىڭ اقپارات الاڭىندا وسىنداي مەلٸمەت بەردٸ.
«نۇر-سۇلتاندا پتر تەستٸلەۋدەن ٶتكەنٸ تۋرالى جالعان انىقتاما ساتىپ جٷرگەن تۇلعالار انىقتالدى. شٸلدەنٸڭ باسىنان بەرٸ قولدان جاسالعان انىقتاما ساتۋدىڭ 2 جاعدايى تٸركەلدٸ. استانا ساقشىلارى مەديتسينالىق ورتالىق ديرەكتورىن ۇستادى. ول اۋرۋ جۇقتىرماعانى تۋرالى جالعان پتر تەستٸلەۋ انىقتاماسىن بەرۋمەن اينالىستى دەگەن كٷدٸككە ٸلٸنٸپ وتىر. ورتالىق باسشىسىنىڭ زاڭسىز انىقتاما ٷشٸن كليەنتتەردەن 6 مىڭ تەڭگەدەن العانى انىقتالدى. قازٸرگٸ تاڭدا پوليتسييا پتر-تەستٸلەۋدەن ٶتكەنٸ تۋرالى انىقتامانى زاڭسىز العان تۇلعالاردىڭ سانىن انىقتاپ جاتىر», - دەدٸ ۆەدومستۆو ٶكٸلٸ.
ونىڭ سٶزٸنە قاراعاندا, پتر-تەست قۇجاتتارىن شەتەلدە وتىرىپ-اق ساتاتىن ادامدار پايدا بولعان.
«سونداي-اق, پوليتسييا قىزمەتكەرلەرٸ ەلدەن تىس اۋماقتا بولا تۇرىپ, ۆيرۋس جۇقتىرماعانى تۋرالى پتر-تەست انىقتاماسىنىڭ ەلەكتروندى نۇسقاسىن جاساپ, 5500 تەڭگەگە ساتقان قازاقستاندىقتى انىقتادى. انىقتامالاردى «تەلەگرام» مەسسەندجەرٸ ارقىلى جٸبەرٸپ وتىرعان. اتالعان وقيعا بويىنشا قۇجات دايىنداپ ساتقانى ٷشٸن قىلمىستىق ٸس قوزعالدى. پوليتسييا ٶكٸلدەرٸ مەديتسينا ورتالىقتارىن, ەمحانالار مەن پتر-تەست بەكەرتتەرٸن استانا تۇرعىندارىنا جالعان قۇجات بەرۋ فاكتٸسٸنە تەكسەرٸپ جاتىر», - دەدٸ شۇعىلا تۇرلىبەك.
