استانادا ۆەلوستانتسييالار ٸسكە قوسىلا باستادى

نۇر-سۇلتان قالاسىندا ۆەلوستانتسييالاردى ٸسكە قوسۋ جۇمىستارى جالعاسۋدا, دەپ حابارلايدى "ۇلت اقپارات".

ەلوردا ەكٸمدٸگٸنەن مەلٸم ەتكەندەي, بٷگٸندە قالاداعى 154 ستانتسييانىڭ 76-سى جۇمىس ٸستەپ تۇر. بارلىعى 400 ۆەلوسيپەد قولجەتٸمدٸ.

كەلەسٸ كٶشەلەردە 14 ۆەلوستانتسييا جاڭادان اشىلىپ وتىر: ⠀
- رەسپۋبليكا داڭعىلىندا - № № 88, 89, 93, 94, 95, 96, 97;
- سارىارقا داڭعىلىندا - № № 55, 56, 57, 63;
- س.سەيفۋللين كٶشەسٸندە - № № 58, 59, 60.

سەۋٸر ايىنىڭ سوڭىنا دەيٸن قالاداعى بارلىق 154 ستانتسييانى ٸسكە قوسۋ جوسپارلانعان. جۇمىس ٸستەپ تۇرعان ۆەلوستانتسييالاردى www.velobike.kz سايتىنان كٶرۋگە بولادى. ولار كٶك تٷسپەن بويالادى. ابونەمەنتتەردٸ ساتىپ الۋ, ۆەلوجالداۋ بويىنشا بارلىق اقپارات تا وسى سايتتا قولجەتٸمدٸ.