فوتو: بەينەجازبادان
استانادا 10 قاباتتى تۇرعىن ٷيدە ٶرت شىعىپ, قۇتقارۋشىلار بالالاردى امان الىپ شىقتى. ابىروي بولعاندا, زارداپ شەككەندەر تۋرالى اقپارات تٷسكەن جوق, دەپ حابارلايدى Ult.kz.
تٶتەنشە جاعداي نۇرا اۋدانىنداعى قۇلتەگٸن كٶشەسٸندە ورنالاسقان كٶپقاباتتى ٷيدە تٸركەلگەن. وقيعا ورنىنا كەلگەن العاشقى بٶلٸمشەلەر پودەزدە قويۋ تٷتٸن بارىن انىقتاعان.
ٶرتتٸ سٶندٸرۋ جۇمىستارى جەدەل باستالىپ, وقپاندار بەرٸلٸپ, سۋ ٷزدٸكسٸز جەتكٸزٸلگەن. سونىمەن قاتار تۇرعىنداردى ەۆاكۋاتسييالاۋ شارالارى قولعا الىندى.
تٶتەنشە جاعدايلار مينيسترلٸگٸنٸڭ مەلٸمەتٸنشە, قۇتقارۋشىلار اۆتوساتىنىڭ كٶمەگٸمەن 3 ادامدى, ونىڭ ٸشٸندە 2 بالانى سىرتقا شىعارعان. سونداي-اق باسپالداق ارقىلى قۇتقارۋ قالپاقشالارىن پايدالانىپ تاعى 3 ادام ەۆاكۋاتسييالاندى, ولاردىڭ بٸرٸ – بالا.
ناقتىلاۋ بويىنشا, ٶرت ەلەكتر قالقانى شاحتاسىنان باستالىپ, بٸرٸنشٸ قاباتتان ونىنشى قاباتقا دەيٸن تارالعان.
قازٸرگٸ ۋاقىتتا ٶرتتٸڭ شىعۋ سەبەپتەرٸ انىقتالۋدا.
