Foto: Beinejazbadan
Astanada 10 qabatty turǵyn úide órt shyǵyp, qutqarýshylar balalardy aman alyp shyqty. Abyroi bolǵanda, zardap shekkender týraly aqparat túsken joq, dep habarlaidy Ult.kz.
Tótenshe jaǵdai Nura aýdanyndaǵy Qultegin kóshesinde ornalasqan kópqabatty úide tirkelgen. Oqiǵa ornyna kelgen alǵashqy bólimsheler podezde qoiý tútin baryn anyqtaǵan.
Órtti sóndirý jumystary jedel bastalyp, oqpandar berilip, sý úzdiksiz jetkizilgen. Sonymen qatar turǵyndardy evakýatsiialaý sharalary qolǵa alyndy.
Tótenshe jaǵdailar ministrliginiń málimetinshe, qutqarýshylar avtosatynyń kómegimen 3 adamdy, onyń ishinde 2 balany syrtqa shyǵarǵan. Sondai-aq baspaldaq arqyly qutqarý qalpaqshalaryn paidalanyp taǵy 3 adam evakýatsiialandy, olardyń biri – bala.
Naqtylaý boiynsha, órt elektr qalqany shahtasynan bastalyp, birinshi qabattan onynshy qabatqa deiin taralǵan.
Qazirgi ýaqytta órttiń shyǵý sebepteri anyqtalýda.
