استانادا قازاقستان مەن قىتايدىڭ مەديتسينا جەنە دەنساۋلىق ساقتاۋ سالاسىنداعى ىنتىماقتاستىعىن دامىتۋعا ارنالعان حالىقارالىق سەمينار ٶتتٸ, دەپ حابارلايدى ult.kz.
5 قازاندا نازارباەۆ ۋنيۆەرسيتەتٸنٸڭ سەنات زالىندا GX Foundation, قازاقستان رەسپۋبليكاسىنىڭ دەنساۋلىق ساقتاۋ مينيسترلٸگٸ جەنە Nazarbayev University بٸرلەسٸپ «Global Medical Frontiers: Innovation, Resilience and Sharing» اتتى سەمينار ۇيىمداستىردى.
ٸس-شاراعا قىتايدان جەنە باسقا ەلدەردەن كەلگەن 15 جەتەكشٸ مەديتسينا ساراپشىسى مەن دەنساۋلىق ساقتاۋ سالاسىنىڭ 100-دەن استام ٶكٸلٸ قاتىستى. ماماندار مەديتسينالىق عىلىمداعى جاڭا باعىتتار, كلينيكالىق تەجٸريبە, دەنساۋلىق ساقتاۋ جٷيەسٸن باسقارۋ جەنە حالىقارالىق مەديتسينالىق ىنتىماقتاستىق مەسەلەلەرٸن تالقىلادى.
قازاقستان دەنساۋلىق ساقتاۋ مينيسترٸنٸڭ بٸرٸنشٸ ورىنباسارى تيمۋر سۇلتانعازيەۆ GX Foundation-نىڭ ەرتٷرلٸ ەلدەردەگٸ مەديتسينالىق جەنە گۋمانيتارلىق جوبالاردى جٷزەگە اسىرۋ تەجٸريبەسٸن اتاپ ٶتتٸ.
«GX قورىنىڭ ەرتٷرلٸ ەلدەردە مەديتسينالىق جەنە گۋمانيتارلىق جوبالاردى جٷزەگە اسىرۋدا ايتارلىقتاي تەجٸريبەسٸ بار. بٸز بۇل تەجٸريبە قازاقستانمەن, ەسٸرەسە قوعامدىق دەنساۋلىق ساقتاۋ, مەديتسينا كادرلارىن دايارلاۋ, عىلىمي زەرتتەۋلەر, مەديتسينالىق تەحنولوگييالار جەنە تٶتەنشە جاعدايلارعا دايىندىق سيياقتى باعىتتاردا ىنتىماقتاستىق ورناتۋعا مٷمكٸندٸك بەرەدٸ دەپ سانايمىز», — دەدٸ سۇلتانعازيەۆ.
GX Foundation تٶراعاسى لەۋن چۋن-ين ٶز سٶزٸندە وسىدان 13 جىل بۇرىن قىتاي تٶراعاسى سي تسزينپيننٸڭ نازارباەۆ ۋنيۆەرسيتەتٸندە «جٸبەك جولى ەكونوميكالىق بەلدەۋٸن» جەنە «حالىقتار اراسىنداعى بايلانىستاردى» بٸرلەسٸپ دامىتۋ تۇجىرىمدامالارىن ۇسىنعانىن اتاپ ٶتتٸ.
«بۇل باستاما GX قورىنىڭ قۇرىلۋىنا جەنە ونىڭ دامۋىنا سەرپٸن بەردٸ. بٷگٸن بٸز GX قورى مەن نازارباەۆ ۋنيۆەرسيتەتٸ اراسىنداعى ىنتىماقتاستىق اياسىندا وسى سيمپوزيۋمدى ٶتكٸزٸپ وتىرعانىمىزعا قۋانىشتىمىز جەنە الداعى ۋاقىتتا قول جەتكٸزگەن نەتيجەلەرٸمٸزدٸ ودان ەرٸ دامىتۋعا ٷمٸتتٸمٸز» — دەدٸ ول.
سەميناردا قىتايدىڭ قازاقستانداعى ەلشٸلٸگٸنٸڭ ۋاقىتشا سەنٸمدٸ ٶكٸلٸ چەن كەفان, دٷنيەجٷزٸلٸك دەنساۋلىق ساقتاۋ ۇيىمىنىڭ قازاقستانداعى ٶكٸلٸ ەرٸ ەلدٸك كەڭسە باسشىسى دوكتور سكەندەر سىلا جەنە Nazarbayev University پرەزيدەنتٸ پروفەسسور ۋاكار احماد تا سٶز سٶيلەپ, قازاقستان مەن قىتاي اراسىنداعى مەديتسينالىق جەنە دەنساۋلىق ساقتاۋ سالاسىنداعى ىنتىماقتاستىقتى تەرەڭدەتۋگە جوعارى ٷمٸت بٸلدٸردٸ.
ساراپشىلار مەديتسيناداعى جاڭا باعىتتاردى تالقىلادى
سەميناردىڭ نەگٸزگٸ بٶلٸمٸندە گونكونگ پەن باسقا ەلدەردەن كەلگەن جەتەكشٸ مەديتسينا ماماندارى ٶز تەجٸريبەسٸمەن بٶلٸستٸ.
ساراپشىلار كلينيكالىق تەحنولوگييالار, دەنساۋلىق ساقتاۋ جٷيەسٸن باسقارۋ, دەستٷرلٸ مەديتسينا, جۇقپالى اۋرۋلاردىڭ تارالۋىن باقىلاۋ, ادام قونىستانۋى مەن اپاتتارعا دەن قويۋ, مەديتسينالىق بٸلٸم بەرۋ جەنە گۋمانيتارلىق كٶمەك سالالارىنداعى مەسەلەلەردٸ تالقىلادى.
كەزدەسۋگە گونكونگتىڭ جەتەكشٸ جوعارى وقۋ ورىندارى مەن مەديتسينالىق ۇيىمدارىنىڭ ٶكٸلدەرٸ, سونداي-اق قازاقستاننىڭ مەديتسينا سالاسىنىڭ ماماندارى قاتىستى. ولاردىڭ قاتارىندا Astana Medical University, ۇلتتىق عىلىمي كارديوحيرۋرگييا ورتالىعى, ۇلتتىق قوعامدىق دەنساۋلىق ساقتاۋ ورتالىعى, دەنساۋلىق ساقتاۋ مينيسترلٸگٸ جەنە Nazarbayev University ٶكٸلدەرٸ بار.
قازاقستان مەن GX Foundation ىنتىماقتاستىعى كەڭەيەدٸ
قازاقستان دەنساۋلىق ساقتاۋ سالاسىنداعى «بٸر بەلدەۋ, بٸر جول» باستاماسى اياسىنداعى حالىقارالىق ىنتىماقتاستىق ٷشٸن ماڭىزدى ەلدەردٸڭ بٸرٸ رەتٸندە قاراستىرىلادى.
2025 جىلعى قاراشادا GX Foundation مەن Nazarbayev University اراسىندا ٶزارا تٷسٸنٸستٸك تۋرالى مەموراندۋمعا قول قويىلعان. قۇجات كەسٸبي الماسۋ, بٸرلەسكەن ٸس-شارالار, تاعىلىمدامالار جەنە بٸرلەسكەن زەرتتەۋلەر ٷشٸن نەگٸز قالىپتاستىرۋدى كٶزدەيدٸ.
سونىمەن قاتار تاراپتار مەديتسينالىق بٸلٸم بەرۋ, كلينيكالىق تەجٸريبە جەنە قوعامدىق دەنساۋلىق ساقتاۋ سالالارىنداعى حالىقارالىق ىنتىماقتاستىقتى تەڭ سەرٸكتەستٸك نەگٸزٸندە دامىتۋعا نيەتتٸ.
سەمينار قورىتىندىسىندا قاتىسۋشىلار مەديتسينالىق يننوۆاتسييالار, دەنساۋلىق ساقتاۋ جٷيەسٸنٸڭ تۇراقتىلىعى جەنە گۋمانيتارلىق كٶمەك مەسەلەلەرٸ بويىنشا ورتاق پٸكٸرگە كەلگەن. ساراپشىلار الداعى ۋاقىتتا «بٸر بەلدەۋ, بٸر جول» اياسىنداعى ىنتىماقتاستىقتى ودان ەرٸ تەرەڭدەتۋگە نيەتتٸ ەكەنٸن بٸلدٸردٸ.
ايتا كەتەيٸك, GX Foundation — 2018 جىلى گونكونگتا قۇرىلعان ٷكٸمەتتٸك ەمەس قايىرىمدىلىق ۇيىمى. قور «بٸر بەلدەۋ, بٸر جول» ەلدەرٸندە مەديتسينالىق جەنە قوعامدىق دەنساۋلىق ساقتاۋ سالالارىندا گۋمانيتارلىق كٶمەك كٶرسەتۋگە باعىتتالعان جوبالاردى جٷزەگە اسىرادى.
ۇيىم ازييا, افريكا, ورتالىق امەريكا جەنە تىنىق مۇحيتىنىڭ وڭتٷستٸگٸندەگٸ 13 ەلدە جۇمىس ٸستەيدٸ. ولاردىڭ قاتارىندا قازاقستان مەن ٶزبەكستان دا بار.
GX Foundation-نىڭ نەگٸزگٸ جوبالارىنىڭ بٸرٸ — كاتاراكتادان بولاتىن سوقىرلىقتى جويۋ باعدارلاماسى. ۇيىم بٸرقاتار ەلدەردە تەگٸن وپەراتسييالار جاساپ, موبيلدٸ حيرۋرگييالىق جابدىقتار مەن كەسٸبي وقىتۋ ارقىلى جەرگٸلٸكتٸ مەديتسينا جٷيەسٸنٸڭ مٷمكٸندٸگٸن ارتتىرۋعا باعىتتالعان جۇمىستار جٷرگٸزەدٸ.
