فوتو: Getty Images
استانادا دجەننيفەر لوپەستٸڭ كونتسەرتٸنە 15 مىڭعا جۋىق تۋريست كەلٸپ, 400 ميلليون تەڭگەدەن استام سالىق تٷسەدٸ دەپ بولجانۋدا. امەريكادان كەلگەن ەيگٸلٸ ەنشٸ جەنە اكتريسا دجەننيفەر لوپەس 1 تامىزدا ەلورداداعى «استانا ارەنا» ستاديونىندا جەكە كونتسەرتٸن ٶتكٸزەدٸ. بۇل تۋرالى Ult.kz حابارلادى.
شارانى ۇيىمداستىرىپ وتىرعان «استانا كونتسەرت» كومپانيياسىنىڭ پروديۋسەرٸ ماليك حاسەنوۆ بۇل وقيعانى استانانىڭ مەدەني ٶمٸرٸندەگٸ ايتۋلى وقيعا رەتٸندە باعالادى. ونىڭ ايتۋىنشا, شوۋ كوممەرتسييالىق فورماتتا ٶتەدٸ جەنە بۇل ەلورداعا ەلەمدٸك دەڭگەيدەگٸ ٶنەرپازداردىڭ تۇراقتى كەلۋٸنە جول اشپاق.
«شاراعا 15 مىڭنان استام تۋريست كەلەدٸ دەپ كٷتٸلۋدە. بۇل ەل ەكونوميكاسىنا ەلەۋلٸ ەسەر ەتەدٸ. HoReCa سەكتورى شامامەن 6,5 ميلليارد تەڭگە پايدا تابادى, ال سالىق تٷسٸمٸ 400 ميلليون تەڭگەدەن اسادى», – دەدٸ حاسەنوۆ.
ۇيىمداستىرۋشىلاردىڭ پٸكٸرٸنشە, وسىنداي كەڭ اۋقىمدى مەدەني ٸس-شارالار استانانىڭ تۋريستٸك جەنە مەدەني تارتىمدىلىعىن ارتتىرىپ, ونى حالىقارالىق دەڭگەيدەگٸ مەدەني ورتالىققا اينالدىرۋعا سەپ بولادى.
پرەمەر-مينيستر ولجاس بەكتەنوۆ قازاقستاندا تۋريزمدٸ دامىتۋدىڭ ەلەۋەتٸ زور ەكەنٸن اتاپ ٶتٸپ, بۇل باعىتتا مەملەكەت تاراپىنان تولىق قولداۋ كٶرسەتٸلەتٸنٸن جەتكٸزدٸ.
«قازاقستاندا تۋريزمنٸڭ دامۋ مٷمكٸندٸگٸ ٶتە جوعارى. سوڭعى بەس جىلدا تۋريستەر سانى 7,5 ەسەگە ارتتى. بىلتىر ەلٸمٸزگە 15 ميلليوننان استام ادام كەلدٸ», – دەدٸ ٷكٸمەت باسشىسى.
ونىڭ ايتۋىنشا, الداعى ۋاقىتتا قازاقستان ٸرٸ حالىقارالىق ٸس-شارالار تۇراقتى ٶتەتٸن مەملەكەت رەتٸندە تانىلۋى تيٸس. بۇل باعىتتا ٷكٸمەت جان-جاقتى قولداۋ كٶرسەتۋگە ەزٸر.
