Foto: Getty Images
Astanada Djennifer Lopestiń kontsertine 15 myńǵa jýyq týrist kelip, 400 million teńgeden astam salyq túsedi dep boljanýda. Amerikadan kelgen áigili ánshi jáne aktrisa Djennifer Lopes 1 tamyzda elordadaǵy «Astana Arena» stadionynda jeke kontsertin ótkizedi. Bul týraly Ult.kz habarlady.
Sharany uiymdastyryp otyrǵan «Astana Kontsert» kompaniiasynyń prodiýseri Malik Hasenov bul oqiǵany Astananyń mádeni ómirindegi aitýly oqiǵa retinde baǵalady. Onyń aitýynsha, shoý kommertsiialyq formatta ótedi jáne bul elordaǵa álemdik deńgeidegi ónerpazdardyń turaqty kelýine jol ashpaq.
«Sharaǵa 15 myńnan astam týrist keledi dep kútilýde. Bul el ekonomikasyna eleýli áser etedi. HoReCa sektory shamamen 6,5 milliard teńge paida tabady, al salyq túsimi 400 million teńgeden asady», – dedi Hasenov.
Uiymdastyrýshylardyń pikirinshe, osyndai keń aýqymdy mádeni is-sharalar Astananyń týristik jáne mádeni tartymdylyǵyn arttyryp, ony halyqaralyq deńgeidegi mádeni ortalyqqa ainaldyrýǵa sep bolady.
Premer-ministr Oljas Bektenov Qazaqstanda týrizmdi damytýdyń áleýeti zor ekenin atap ótip, bul baǵytta memleket tarapynan tolyq qoldaý kórsetiletinin jetkizdi.
«Qazaqstanda týrizmniń damý múmkindigi óte joǵary. Sońǵy bes jylda týrister sany 7,5 esege artty. Byltyr elimizge 15 millionnan astam adam keldi», – dedi Úkimet basshysy.
Onyń aitýynsha, aldaǵy ýaqytta Qazaqstan iri halyqaralyq is-sharalar turaqty ótetin memleket retinde tanylýy tiis. Bul baǵytta Úkimet jan-jaqty qoldaý kórsetýge ázir.
