فوتو: Halyqline.kz
استاناداعى تۇرعىن ٷي كەشەندەرٸنٸڭ بٸرٸندە تٷندە بولعان ٶرت سالدارىنان بالالار قازا تاپتى. بۇل وقيعا بويىنشا قىلمىستىق ٸس قوزعالدى, دەپ حابارلايدى Ult.kz.
"وقيعانىڭ بارلىق مەن-جايىن انىقتاۋعا باعىتتالعان جەدەل-تەرگەۋ ٸس-شارالارىنىڭ كەشەنٸ جٷرگٸزٸلٸپ جاتىر. تەرگەۋ امالدارىنىڭ قورىتىندىسى بويىنشا تيٸستٸ قۇقىقتىق باعا بەرٸلەدٸ", — دەپ حابارلادى دەپارتامەنت ٶكٸلدەرٸ.
وقيعا ورنىندا پوليتسەيلەر اۋماقتى قورشاۋعا الدى. ارنايى تەحنيكانىڭ كەدەرگٸسٸز ٶتۋٸن قامتاماسىز ەتۋ ٷشٸن تۇرعىن ٷي كەشەنٸنٸڭ اۋلاسى تۇراققا قويىلعان كٶلٸكتەردەن بوساتىلدى.
12 سەۋٸرگە قاراعان تٷنٸ استاناداعى تٷركٸستان كٶشەسٸندە ورنالاسقان 21 قاباتتى تۇرعىن ٷيدٸڭ 15-قاباتىنداعى پەتەردەن ٶرت شىقتى. پەتەردەن ٷش بالانىڭ مەيٸتٸ تابىلدى. ٶرتسٶندٸرۋشٸلەر بٸر ەيەلدٸ قۇتقارىپ قالدى, ول دەنەسٸن كٷيٸك شالىپ, اۋرۋحاناعا جاتقىزىلدى. جوعارعى قاباتتاردان 20 ادام ەۆاكۋاتسييالاندى, تاعى 40-قا جۋىق تۇرعىن عيماراتتان ٶز بەتٸنشە شىعىپ ٷلگەردٸ.
