Foto: Halyqline.kz
Astanadaǵy turǵyn úi keshenderiniń birinde túnde bolǵan órt saldarynan balalar qaza tapty. Bul oqiǵa boiynsha qylmystyq is qozǵaldy, dep habarlaidy Ult.kz.
"Oqiǵanyń barlyq mán-jaiyn anyqtaýǵa baǵyttalǵan jedel-tergeý is-sharalarynyń kesheni júrgizilip jatyr. Tergeý amaldarynyń qorytyndysy boiynsha tiisti quqyqtyq baǵa beriledi", — dep habarlady departament ókilderi.
Oqiǵa ornynda politseiler aýmaqty qorshaýǵa aldy. Arnaiy tehnikanyń kedergisiz ótýin qamtamasyz etý úshin turǵyn úi kesheniniń aýlasy turaqqa qoiylǵan kólikterden bosatyldy.
12 sáýirge qaraǵan túni Astanadaǵy Túrkistan kóshesinde ornalasqan 21 qabatty turǵyn úidiń 15-qabatyndaǵy páterden órt shyqty. Páterden úsh balanyń máiiti tabyldy. Órtsóndirýshiler bir áieldi qutqaryp qaldy, ol denesin kúiik shalyp, aýrýhanaǵa jatqyzyldy. Joǵarǵy qabattardan 20 adam evakýatsiialandy, taǵy 40-qa jýyq turǵyn ǵimarattan óz betinshe shyǵyp úlgerdi.
