ەلوردادا جىل باسىنان بەرٸ ٶرتتەن 12 ادام كٶز جۇمعان. ونىڭ 10-ى ماس بولعان. بۇل تۋرالى ونلاين بريفينگتە نۇر-سۇلتان قالاسىنىڭ تٶتەنشە جاعدايلار دەپارتامەنتٸ اپات قاۋپٸن ازايتۋ مەن ازاماتتىق قورعانىس سالاسىن باقىلاۋ باسقارماسىنىڭ باستىعى ەركٸن وتارعالىمۇلى مەلٸم ەتتٸ, دەپ حابارلايدى "ۇلت اقپارات".
«وت جاعىلاتىن پەشتٸڭ دۇرىستىعىن جيٸ تەكسەرٸپ, ەلەكتر جەلٸلەرٸنە رەۆيزييا جٷرگٸزٸپ وتىرۋ كەرەك. بالالاردى ەشقاشان قاراۋسىز قالدىرماي, ٷي وتپەن جىلىتىلاتىن جاعدايدا اباي بولعان دۇرىس», - دەدٸ ەركٸن وتارعالىمۇلى.
ول سونىمەن قاتار جىل باسىنان بەرٸ 12 ادام ٶرتتەن كٶز جۇمعانىن, تٸلسٸز جاۋ ٷيٸن جالماعان كەزدە ونىڭ 10-ى ماس بولعانىن حابارلادى.
«بۇل رەتتە ەردايىم اباي بولۋ كەرەكتٸگٸن ەستەن شىعارمايىق. سەبەبٸ شالىس باسقان ەر قادام كٸسٸنٸڭ ٶزٸنە دە, وتباسى مٷشەلەرٸ ٷشٸن دە قاۋٸپتٸ», - دەيدٸ ول.
