فوتو: قر ۇوك
14 اقپاندا استانا قالاسىندا ەسٸل ٶزەنٸنٸڭ جاعالاۋىندا يتالييادا ٶتٸپ جاتقان 2026 جىلعى قىسقى وليمپيادا ويىندارى اياسىنداعى جارىستاردى ۇجىم بولىپ تاماشالاۋعا بولادى. اتالعان ٸس-شارانى قازاقستان ۇلتتىق وليمپيادالىق كوميتەتٸ مەن استانا قالاسىنىڭ دەنە شىنىقتىرۋ جەنە سپورت باسقارماسى ۇيىمداستىرادى.
بۇل ٸس-شارا «بۇرقاسىن-2026» قىسقى قالالىق فەستيۆالٸ اياسىندا ٶتەدٸ.
ەيەلدەر اراسىنداعى پاراللەلدٸ موگۋل سايىسى كٶرەرمەن نازارىنا ۇسىنىلادى. اتالعان جارىسقا قازاقستان سپورتشىلارى دا قاتىسادى. وليمپيادانى تاماشالاۋ فەستيۆالدٸڭ مازمۇندى باعدارلاماسىنىڭ بٸر بٶلٸگٸ بولىپ, ەلوردا تۇرعىندارى مەن قوناقتارى ٷشٸن سپورتتىق بەسەكەلەردٸ, مەدەني ٸس-شارالار مەن ينتەراكتيۆتٸ الاڭداردى بٸرٸكتٸرمەك.
«بۇرقاسىن-2026» فەستيۆالٸنٸڭ سالتاناتتى اشىلۋى ساعات 10:00-دە ٶتەدٸ. كٷن بويى 13 سپورت تٷرٸ بويىنشا جارىستار ۇيىمداستىرىلادى. اتاپ ايتقاندا, 16 جاس جەنە ەلەۋمەتتٸك ساناتتاعى شاڭعى جارىستارى, گير سپورتى, ارمرەستلينگ, پيما كيگەن كٷيدەگٸ حوككەي, بەلبەۋ كٷرەسٸ, موتوكروسس, اۆتوسپورت, ارقان تارتۋ, قىسقى ميني-فۋتبول, قارمەن لاقتىرۋ, قىسقى ۆولەيبول, ماس-رەستلينگ جەنە ٷرلەمەلٸ شانامەن جارىستار ٶتەدٸ.
نەگٸزگٸ سپورتتىق باعدارلامادان كەيٸن باس ساحنادا ارنايى وليمپيادالىق بلوك باستالادى. ساعات 14:00-دە 2026 جىلعى قىسقى وليمپيادا ويىندارى اياسىندا ەيەلدەر اراسىنداعى پاراللەلدٸ موگۋل سايىسىن تٸكەلەي ەفيردە تاماشالاۋعا بولادى.
ترانسلياتسييا الدىندا كٶرەرمەن ٷشٸن سەرگٸتۋ جاتتىعۋلارى مەن جٷرگٸزۋشٸمەن ينتەراكتيۆ ۇيىمداستىرىلادى. سونداي-اق وليمپيادالىق تاقىرىپتاعى سۇراقتارعا جاۋاپ بەرۋگە ارنالعان «وليمپيادالىق بليتس» بايقاۋى ٶتٸپ, جەڭٸمپازدارعا سىيلىق تابىستالادى.
جارىس كەزەڭدەرٸ اراسىنداعى ٷزٸلٸستەردە قازاقستان ۇلتتىق وليمپيادالىق كوميتەتٸنٸڭ سەرٸكتەسٸ Invictus GO برەندٸنەن جەنە قر ۇوك-تٸڭ ەستەلٸك سىيلىقتارى ويناتىلادى.
وليمپيادالىق جارىستاردىڭ تٸكەلەي كٶرسەتٸلٸمٸ ساعات 14:00-دە باستالادى.
ايتا كەتەيٸك, 13 اقپان كٷنٸ يتالييانىڭ ميلان جەنە كورتينا-د’امپەتستسو قالالارىندا XXV قىسقى وليمپيادا ويىندارىنىڭ التىنشى جارىس كٷنٸ باستالدى.
