فوتو: Pexels.com
استانادا مۇز ٷستٸندە كٶمەككە مۇقتاج بولعان 59 جاستاعى ەر ادامدى پاترۋلدٸك پوليتسييا قىزمەتكەرلەرٸ قۇتقارعانىن مەلٸمدەدٸ, دەپ حابارلايدى Ult.kz قالالىق پوليتسييا دەپارتامەنتٸنە سٸلتەمە جاساپ.
“102” ارناسىنا ەر ادامنىڭ شۇعىل كٶمەككە مۇقتاج ەكەنٸ تۋرالى حابارلاما تٷسكەن. وقيعا ورنىنا پاترۋلدٸك پوليتسييا پولكٸنٸڭ قىزمەتكەرلەرٸ كەنجەبەك ەلٸباەۆ پەن ولجاس بورتاي جەدەل جەتكەن.
انىقتالعانداي, بالىق اۋلاۋ كەزٸندە ەر ادام ٶزەن ٷستٸندەگٸ شاتىر ٸشٸندە ەكٸ قولىن ەكٸ بٶلەك ويىققا تىعىپ, ٶزدٸگٸنەن شىعا الماي قالعان. پوليتسەيلەر جاعدايدى باعالاپ, زارداپ شەگۋشٸگە ەكٸ جاعىنان جاقىنداپ, قىسىلىپ قالعان قولدارىن بوساتىپ, ونى مۇز ٷستٸنەن قاۋٸپسٸز جەرگە شىعاردى.
قۇتقارۋ سەتٸنەن كەيٸن تەرتٸپ ساقشىلارى العاشقى مەديتسينالىق كٶمەك كٶرسەتٸپ, قان اينالىمىن قالپىنا كەلتٸرۋ ٷشٸن قول-اياعىن جىلىتىپ, ماسساج جاساعان. سونداي-اق مەديتسينا قىزمەتكەرلەرٸ كەلگەنگە دەيٸن ونىڭ جاعدايىن باقىلاۋدا ۇستاعان.
پوليتسييا قىس مەزگٸلٸندە سۋ ايدىندارىندا قاۋٸپسٸزدٸك شارالارىن ساقتاۋعا شاقىرادى. مۇز ٷستٸندە ويىقتاردى بٸر-بٸرٸنە تىم جاقىن بۇرعىلاماۋ, جالعىز بالىق اۋلاماۋ جەنە بايلانىس قۇرالدارىن ٶزٸڭٸزبەن بٸرگە الىپ جٷرۋ قاجەت.
قاۋٸپتٸ جاعداي تۋىنداعان جاعدايدا “102” نٶمٸرٸنە حابارلاسۋ كەرەك.
