Foto: Pexels.com
Astanada muz ústinde kómekke muqtaj bolǵan 59 jastaǵy er adamdy patrýldik politsiia qyzmetkerleri qutqarǵanyn málimdedi, dep habarlaidy Ult.kz qalalyq politsiia departamentine silteme jasap.
“102” arnasyna er adamnyń shuǵyl kómekke muqtaj ekeni týraly habarlama túsken. Oqiǵa ornyna patrýldik politsiia polkiniń qyzmetkerleri Kenjebek Álibaev pen Oljas Bortai jedel jetken.
Anyqtalǵandai, balyq aýlaý kezinde er adam ózen ústindegi shatyr ishinde eki qolyn eki bólek oiyqqa tyǵyp, ózdiginen shyǵa almai qalǵan. Politseiler jaǵdaidy baǵalap, zardap shegýshige eki jaǵynan jaqyndap, qysylyp qalǵan qoldaryn bosatyp, ony muz ústinen qaýipsiz jerge shyǵardy.
Qutqarý sátinen keiin tártip saqshylary alǵashqy meditsinalyq kómek kórsetip, qan ainalymyn qalpyna keltirý úshin qol-aiaǵyn jylytyp, massaj jasaǵan. Sondai-aq meditsina qyzmetkerleri kelgenge deiin onyń jaǵdaiyn baqylaýda ustaǵan.
Politsiia qys mezgilinde sý aidyndarynda qaýipsizdik sharalaryn saqtaýǵa shaqyrady. Muz ústinde oiyqtardy bir-birine tym jaqyn burǵylamaý, jalǵyz balyq aýlamaý jáne bailanys quraldaryn ózińizben birge alyp júrý qajet.
Qaýipti jaǵdai týyndaǵan jaǵdaida “102” nómirine habarlasý kerek.
