فوتو: ۇيىمداستىرۋشىلاردان
استانادا قالاسىندا «عىلىمي بٸلٸم, يننوۆاتسييا جەنە جاستار – تۇراقتى دامۋ نەگٸزدەرٸ» اتتى مەكتەپ وقۋشىلارىنىڭ ٸٸٸ حالىقارالىق عىلىمي فورۋمى باستالدى, – دەپ حابارلايدى Ult.kz.
اتالعان فورۋمدى «International Centre of Scientific Collaborations» جەكە مەكەمەسٸ, استانا قالاسىنىڭ بٸلٸم باسقارماسى, «استانا دارىنى» دارىندى بالالار مەن تالانتتى جاستاردى انىقتاۋ جەنە قولداۋ ورتالىعى مەن «بٸر بەلدەۋ – بٸر جول» حالىقارالىق عىلىمي-بٸلٸم كونسورتسيۋمى (BRISEC) بٸرلەسٸپ ۇيىمداستىرعان.
حالىقارالىق عىلىمي فورۋم زيياتكەرلٸك مەنشٸك كٷنٸ, قازاقستان عىلىم قىزمەتكەرلەرٸ كٷنٸ جەنە زەرتتەۋلەرگە نەگٸزدەلگەن عىلىمي بٸلٸم بەرۋدٸ ەنگٸزۋ تۋرالى استانا دەكلاراتسيياسىنىڭ (IBSE) قابىلدانعانىنا 10 جىل تولۋىنا وراي ٶتۋدە.
فورۋمنىڭ ماقساتى – عىلىمدى ناسيحاتتاۋ جەنە قازاقستاندىق وقۋشىلاردىڭ حالىقارالىق عىلىمي جوبالار, يننوۆاتسييالار مەن ٶنەرتابىستار بايقاۋلارىنداعى ٷزدٸك جەتٸستٸكتەرٸن كٶرسەتۋ.
فورۋمنىڭ شەتەلدٸك قوناقتارى:
سيانگ پينگ By – BRISEC پرەزيدەنتٸ, قىتاي عىلىم اكادەميياسىنىڭ اكادەميگٸ (ونلاين);
Pierre Léna – پاريج وبسەرۆاتوريياسىنىڭ (LIRA) جەنە پاريج-سيتە ۋنيۆەرسيتەتٸنٸڭ قۇرمەتتٸ پروفەسسورى, فرانتسييا عىلىم اكادەميياسىنىڭ مٷشەسٸ;
مانزوور سومرو – پروفەسسور, BRISEC ۆيتسە-پرەزيدەنتٸ;
حاتەم سليمان – اTAST پرەزيدەنتٸ (تۋنيس), BRISEC ۆيتسە-پرەزيدەنتٸ, I-FEST باس ديرەكتورى, ت.ب.
سونداي-اق, قر پرەزيدەنتٸ جانىنداعى ۇعا-نىڭ جاس عالىمدار ومبۋدسمەنٸ م.حاسەنوۆ, بەلگٸلٸ گەنەتيك م.جاباعين, جوشى ۇلىسى عىلىمي-زەرتتەۋ ينستيتۋتىنىڭ ديرەكتورى ج.سەبيتوۆ قاتىسادى.
«International Centre of Scientific Collaborations» (ICSC) پرەزيدەنتٸ, جاھاندىق عىلىمي بٸلٸم بەرۋ كەڭەسٸنٸڭ (IAP SEP) مٷشەسٸ لەززات قۇسايىنوۆا «عىلىمداعى بالالار» جوباسىنىڭ جەتٸستٸكتەرٸمەن تانىستىرادى.
فورۋمدا حالىقارالىق عىلىمي بايقاۋلاردىڭ جەڭٸمپاز-وقۋشىلارى ٶز جوبالارى تۋرالى پرەزەنتاتسييا جاسايدى.
