Foto: uiymdastyrýshylardan
Astanada qalasynda «Ǵylymi bilim, innovatsiia jáne jastar – turaqty damý negizderi» atty mektep oqýshylarynyń III halyqaralyq ǵylymi forýmy bastaldy, – dep habarlaidy Ult.kz.
Atalǵan forýmdy «International Centre of Scientific Collaborations» jeke mekemesi, Astana qalasynyń Bilim basqarmasy, «Astana daryny» daryndy balalar men talantty jastardy anyqtaý jáne qoldaý ortalyǵy men «Bir beldeý – bir jol» halyqaralyq ǵylymi-bilim konsortsiýmy (BRISEC) birlesip uiymdastyrǵan.
Halyqaralyq ǵylymi forým ziiatkerlik menshik kúni, Qazaqstan Ǵylym qyzmetkerleri kúni jáne zertteýlerge negizdelgen ǵylymi bilim berýdi engizý týraly Astana deklaratsiiasynyń (IBSE) qabyldanǵanyna 10 jyl tolýyna orai ótýde.
Forýmnyń maqsaty – ǵylymdy nasihattaý jáne qazaqstandyq oqýshylardyń halyqaralyq ǵylymi jobalar, innovatsiialar men ónertabystar baiqaýlaryndaǵy úzdik jetistikterin kórsetý.
Forýmnyń sheteldik qonaqtary:
Siang Ping By – BRISEC prezidenti, Qytai ǵylym akademiiasynyń akademigi (onlain);
Pierre Léna – Parij observatoriiasynyń (LIRA) jáne Parij-Site ýniversitetiniń qurmetti professory, Frantsiia ǵylym akademiiasynyń múshesi;
Manzoor Somro – professor, BRISEC vitse-prezidenti;
Hatem Sliman – ATAST prezidenti (Týnis), BRISEC vitse-prezidenti, I-FEST bas direktory, t.b.
Sondai-aq, QR Prezidenti janyndaǵy UǴA-nyń jas ǵalymdar ombýdsmeni M.Hasenov, belgili genetik M.Jabaǵin, Joshy ulysy ǵylymi-zertteý institýtynyń direktory J.Sábitov qatysady.
«International Centre of Scientific Collaborations» (ICSC) Prezidenti, Jahandyq ǵylymi bilim berý keńesiniń (IAP SEP) múshesi Lázzat Qusaiynova «Ǵylymdaǵy balalar» jobasynyń jetistikterimen tanystyrady.
Forýmda halyqaralyq ǵylymi baiqaýlardyń jeńimpaz-oqýshylary óz jobalary týraly prezentatsiia jasaidy.
