استانادا «كٶكتەم مەرەكەسٸن قارسى الۋ, قىتاي جاڭا جىلىن تويلاۋ» اتتى مەدەني كەش ٶتتٸ. شارا 2026 جىلعا ارنالعان قىتاي جاڭا جىلى – كٶكتەم مەرەكەسٸنە وراي قىتاي تٸلٸ مۇعالٸمدەرٸ مەن وقۋشىلارىنىڭ قاتىسۋىمەن ۇيىمداستىرىلدى, دەپ حابارلايدى Ult.kz.
سالتاناتتى كەش Maqsut Narikbayev University-دە ٶتٸپ, قازاقستان مەن قىتاي اراسىنداعى مەدەني-گۋمانيتارلىق بايلانىستاردى نىعايتۋعا ارنالدى. كونتسەرتتٸك باعدارلاما قۇرمانعازىنىڭ «اداي» كٷيٸمەن جەنە ارىستان مەن ايداھار بيٸمەن اشىلدى. بۇل كٶرٸنٸس كٶرەرمەندەرگە ۇلتتىق رۋح پەن شىعىس مەدەنيەتٸنٸڭ ٷيلەسٸمٸن كٶرسەتتٸ.
شارا بارىسىندا قۇتتىقتاۋ سٶز سٶيلەگەن Maqsut Narikbayev University عىلىم, يننوۆاتسييا جەنە جاساندى ينتەللەكت بويىنشا باسقارما تٶراعاسىنىڭ ورىنباسارى پەن سەرگەي گەننادەۆيچ كٶكتەم مەرەكەسٸنٸڭ حالىقتار اراسىنداعى دوستىقتى بەكەمدەۋدەگٸ ماڭىزىن اتاپ ٶتتٸ. سونداي-اق قىتاي حالىق رەسپۋبليكاسىنىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ حان چۋنلين مىرزا ەكٸ ەل اراسىنداعى بٸلٸم جەنە مەدەنيەت سالاسىنداعى ىنتىماقتاستىقتىڭ قارقىندى دامىپ كەلە جاتقانىن ايتتى.
"2026 جىلى قىتاي مەن قازاقستان ورتاق تاعدىرلى قوعام قۇرۋ ماقساتىندا ىنتىماقتاستىقتى جاڭا دەڭگەيگە كٶتەرەدٸ. ٶتكەن جىلعى قكپ حح ورتالىق كوميتەتٸنٸڭ تٶرتٸنشٸ پلەنارلىق وتىرىسى الداعى بەس جىلعا قىتايدىڭ دامۋ ستراتەگيياسىن بەلگٸلەدٸ. قىتاي ەكونوميكالىق قۇرىلىسقا باسىمدىق بەرٸپ, جوعارى ساپالى دامۋعا, رەفورمالار مەن يننوۆاتسيياعا نەگٸزدەلگەن ساياسات جٷرگٸزەتٸن بولادى. حالىقتىڭ ٶسٸپ كەلە جاتقان ٶمٸر ساپاسىن قامتاماسىز ەتۋ باستى ماقسات بولىپ بەلگٸلەندٸ. زاماناۋي ٶنەركەسٸپ جٷيەسٸن قۇرۋعا, جوعارى تەحنولوگييالىق تەۋەلسٸزدٸككە قول جەتكٸزۋگە, اشىقتىق پەن ٶزارا تيٸمدٸلٸك پرينتسيپتەرٸن ۇستانۋعا باعىتتالعان شەشۋشٸ قادامدار جاسالادى. ال قازاقستان «جاڭا ەكونوميكالىق ساياسات», «ٶنەركەسٸپتٸك يننوۆاتسييالىق دامۋ», «اۋىل شارۋاشىلىعىن جاڭعىرتۋ» جەنە «ايماقتىق ينفراقۇرىلىم» سيياقتى ستراتەگييالىق ماقساتتاردى جٷزەگە اسىرىپ, مودەرنيزاتسيياعا دەگەن تاباندىلىعىن كٶرسەتۋدە", – دەپ ايتتى ەلشٸ.
سونىمەن قاتار حان چۋنلين مىرزا بولاشاقتا قىتاي تٸلٸن مەڭگەرگەن, ەكٸ ەلدٸ بايلانىستىرا الاتىن جانجاقتى ماماندار كٶپتەپ شىعادى دەپ ٷمٸتتەنەتٸنٸن جەتكٸزدٸ.
"ولار ەكٸ ەلدٸڭ ەكونوميكالىق ىنتىماقتاستىعىنا باعىت بەرەتٸن كٶشباسشى, عىلىم مەن تەحنولوگييا سالاسىندا الدىڭعى قاتارلى جەتەكشٸ جەنە مەدەني الماسۋدا سەنٸمدٸ «التىن دەنەكەرلەر» بولادى!" – دەدٸ ول ٶز سٶزٸندە.
كونتسەرت باعدارلاماسى مازمۇندى ەرٸ كٶپقىرلى بولدى. كٶرەرمەندەر نازارىنا استانا قالاسىنداعى مەكتەپتەر مەن جوعارى وقۋ ورىندارىنىڭ ستۋدەنتتەرٸ دايىنداعان بي جەنە ەن قويىلىمدارى ۇسىنىلدى. اتاپ ايتقاندا, «سەيگٷلٸك», «گٷل اشۋ», «جەلمەن جارىسقان دالا», «جەلپەۋٸش» بيلەرٸ مەن «قوش بول, قىمباتتىم», «باقىت», «ارمانعا جەتۋ», «ٷزٸلمەس ماحاببات», «قۇتتىقتايمىن سەنٸ», «راحمەت سٸزگە» سەكٸلدٸ ەندەر ورىندالدى.
كەشتٸڭ ەرەكشە سەتتەرٸنٸڭ بٸرٸ – «جٸبەك جولى ەۋەنٸ» دومبىرا سازىنىڭ سٷيەمەلدەۋٸمەن ٶتكەن قىتاي–قازاق ۇلتتىق كيٸمدەرٸنٸڭ سەن كٶرسەتٸلٸمٸ بولدى. بۇل كٶرٸنٸس ەكٸ حالىقتىڭ دەستٷرٸ مەن ٶنەرٸنٸڭ ٶزارا ٷندەستٸگٸن ايقىن كٶرسەتتٸ.
ۇيىمداستىرۋشىلاردىڭ ايتۋىنشا, مۇنداي شارالار جاستاردىڭ مەدەنيەتارالىق تٷسٸنٸگٸن ارتتىرىپ, قازاقستان مەن قىتاي اراسىنداعى دوستىق قاتىناستاردى ودان ەرٸ نىعايتۋعا ىقپال ەتەدٸ.
مەدەني كەشكە ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸ, بەيجٸڭ تٸل جەنە مەدەنيەت ۋنيۆەرسيتەتٸنٸڭ قازاقستانداعى فيليالى, استانا تۇران ۋنيۆەرسيتەتٸ, ەۋرازييا گۋمانيتارلىق ينستيتۋتى, سونداي-اق ەلورداداعى بٸرقاتار مەكتەپ-گيمنازييالار قاتىستى.
كٶڭٸلدٸ كەشتەن ەسەر العان كٶرەرمەندەر قوسىلا ەن شىرقاپ, بي بيلەپ, قوشەمەتتەرٸن جاۋدىرا وتىردى.
"چۋنتسزە – قىتاي حالقىنىڭ ەڭ ماڭىزدى دەستٷرلٸ مەرەكەسٸ. ول يۋنەسكو-نىڭ ادامزات مەدەني مۇراسى تٸزٸمٸنە ەنگٸزٸلگەن. بۇل مەرەكە كەزٸندە بٷكٸل ەلەمدەگٸ قىتاي قاۋىمدارى ەسكٸ جىلدىڭ اياقتالۋى مەن جاڭا جىلدىڭ كەلۋٸن تويلايدى, باق پەن تىنىشتىق تٸلەيدٸ, بۇل مەيرامدى وتباسىمەن بٸرگە اتاپ ٶتەدٸ. چۋنتسزە – وتباسىلاردىڭ بٸرلٸگٸ مەن ىنتىماعى كٷنٸ, قىتاي حالقىندا كٶكتەم مەن بولاشاق ٶمٸرگە دەگەن جاقسى ٷمٸتتٸڭ سيمۆولى", – دەپ قىتاي حالىق رەسپۋبليكاسىنىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ حان چۋنلين مىرزا مەرەكەنٸڭ ماڭىزىن دا تٷسٸندٸرە كەتتٸ.
