استانادا «شاباداندار ساياباعى» مەن «يلليۋزييالار گٷلزارى» سالىندى, دەپ حابارلايدى ەلوردا ينفو.
قالالىق قورشاعان ورتانى قورعاۋ جەنە تابيعاتتى پايدالانۋ باسقارماسىنىڭ ماماندارى جاڭا گٷلزارلاردىڭ ەرەكشەلٸكتەرٸ تۋرالى ايتىپ بەردٸ.
كرەاتيۆتٸ گٷلزاردىڭ بٸرٸ سارىارقا اۋدانىندا بٸرجان سال كٶشەسٸ بويىندا مەن رەسپۋبليكا داڭعىلى مەن ى.دٷكەنۇلى كٶشەسٸنٸڭ قيىلىسىندا ورنالاسقان.
«گٷلزاردىڭ اۋماعى تولىعىمەن اباتتاندىرىلىپ, جارىقتاندىرىلدى, سپورتتىق جەنە بالالار الاڭدارى ورناتىلعان. سەۋلەتتٸك كەڭٸستٸك قۇرىلىمىنىڭ ارقاسىندا ەربٸر گٷلزاردىڭ ٶزٸنە تەن قايتالانباس ستيلگە يە», - دەدٸ باسقارمانىڭ مامانى ەراسىل سەمباەۆ.
رەسپۋبليكا داڭعىلى مەن ى.دٷكەنۇلى كٶشەسٸنٸڭ قيىلىسىندا ورنالاسقان شاعىن ساياباق «يلليۋزييالار گٷلزارى» دەگەن اتاۋعا يە. مۇندا سكەيتدروم, وپتيكالىق يلليۋزييانى جاساۋ ٷشٸن قولدانىلاتىن قيسىق فورماداعى ەيمس بٶلمەسٸ, سىرعاناق تٶبەشٸگٸ جەنە بالالار الاڭى بار.
ال بٸرجان سال كٶشەسٸندەگٸ №5 تۇرعىن ٷيدٸڭ جانىنداعى گٷلزار «شاباداندار باعى» دەگەن اتاۋعا يە بولدى. سەبەبٸ, ول تەمٸرجول ۆوكزالىنا جاقىن ورنالاسقان. باق اۋماعىندا شابادان فورماسىندا جاسالعان كٸشٸ سەۋلەت فورمالارى ورناتىلعان. جوبا اۆتورلارى بالالارعا ارنالعان تەمٸر جولىن سالۋدى جوسپارلاعان. ال قۇرىلىسشىلار اۆتوردىڭ ويىن جٷزەگە اسىرۋ ٷشٸن ارنايى تەمٸردەن رەلس جاسادى.
باسقارمانىڭ تابيعاتتى قورعاۋ جوبالارىن باسقارۋ بٶلٸمٸنٸڭ باسشىسى ازامات جاناتاەۆتىڭ ايتۋىنشا, جاڭا باقتىڭ ورنىندا بۇرىن اپاتتىق جاعدايداعى ەكٸ قاباتتى ەسكٸ ٷيلەر بولعان.
«جوبالار كرەاتيۆتٸ, بەلگٸلٸ تاقىرىپقا ارنالعان. بۇل جەردٸڭ قۇرىلىسى 2018 جىلدىڭ مامىر ايىندا باستالدى. ۆوكزال ماڭىنداعى باق ۆوكزال تٷرٸندە جاسالعان. گٷلزارلار ٷلكەن ەمەس, يلليۋزييالار گٷلزارى - 2 765 شارشى مەتر, ال شاباداندار پاركٸ 2 293 شارشى مەتر. ەكٸ جوبانىڭ قۇنى شامامەن 130 ملن تەڭگە», - دەدٸ ا.جاناتاەۆ.
بۇدان بٶلەك, بيىل قىركٷيەك ايىندا سارىارقا داڭعىلىنداعى 27 ٷيدٸڭ ماڭىندا «تاستار گٷلزارىنىڭ» قۇرىلىسى اياقتالادى.
باقتىڭ اۋماعى 2 304 شارشى مەتر. قۇرىلىس جوباسىنىڭ قۇنى شامامەن 55 ملن تەڭگە. بۇل اۋماق تٷرلٸ كٶلەمدەگٸ ٷلكەن تاستارمەن بەزەندٸرٸلەدٸ. ترانزيتتٸك ايماق دەمالىسقا ارنالعان ٷش الاڭعا بٶلٸنەدٸ.
بٸر جاعىندا تٷرلٸ سپورتتىق جابدىقتارى بار سپورت الاڭى, ورتاسىندا الىپ تاستار بولادى. ال ٷشٸنشٸ جاعىندا تاماقتانۋ مەن ساۋدا پاۆيلوندارى بولادى دەپ جوسپارلانعان.
