استانادا كٶپقاباتتى ٷيدٸڭ قاسبەتٸ قۇلاپ, ەكٸ دەرٸگەر زارداپ شەكتٸ

فوتو: Pexels.com

8 قاراشادا استانانىڭ «الماتى» اۋدانىندا ورنالاسقان ٷيدٸڭ سىرتقى قابىرعاسى مەن كونديتسيونەر بلوگى قۇلاپ, بەس ادام جاراقات الدى. بۇل تۋرالى قالالىق ەكٸمدٸك مەلٸمدەدٸ, دەپ حابارلايدى Ult.kz.

جاراقات العانداردىڭ ەكەۋٸ جانساقتاۋ بٶلٸمٸندە, قالعان ٷشەۋٸ پروفيلدٸ بٶلٸمشەلەردە ەم قابىلداپ جاتىر.

فەلدشەرلەرگە قاتىستى جاعداي

زارداپ شەككەندەردٸڭ اراسىندا ەكٸ فەلدشەر بار.
– بٸرەۋٸنٸڭ جاعدايى ٶتە اۋىر, ول جانساقتاۋ بٶلٸمٸندە.
– ەكٸنشٸسٸ نەيروحيرۋرگييا بٶلٸمٸندە, جاعدايى – ورتاشا اۋىر.

ەكٸمدٸك ەلەۋمەتتٸك جەلٸدەگٸ «فەلدشەرلەردٸڭ جاراقاتى ٶندٸرٸستٸك دەپ تانىلمادى» دەگەن اقپاراتتى جوققا شىعاردى. وقيعا رەسمي تٷردە ٶندٸرٸستٸك جاراقات رەتٸندە تٸركەلگەن.

كۋەگەردٸڭ ايتقانى

زارداپ شەككەن فەلدشەردٸڭ كٷيەۋٸنٸڭ ايتۋىنشا, وقيعا ورنىنا جەدەل جەردەم 9-قاباتتان قۇلاعان قاسبەتكە بايلانىستى شاقىرىلعان.

«ەيەلٸم بالالاردى قۇتقارۋ ٷشٸن ٸشكە جٷگٸرگەن, ەر ادامدى شىعارىپ الۋعا تىرىسقاندا كونديتسيونەر جوعارىدان قۇلاپ, باسىنا تٷسكەن», – دەدٸ ول.

دەرٸگەرلەر ەيەلگە شۇعىل وتا جاساپ, باس سٷيەگٸن قالپىنا كەلتٸرگەن. ونىڭ جاعدايى ٶتە اۋىر, مرت نەتيجەلەرٸنەن كەيٸن قوسىمشا شەشٸم قابىلدانباق.

تەرگەۋ باستالدى

پوليتسييا دەپارتامەنتٸ وقيعا بويىنشا سوتقا دەيٸنگٸ تەرگەۋ باستاعان.
سونىمەن قاتار ەڭبەك ينسپەكتسيياسى قاۋٸپسٸزدٸك تالاپتارىنىڭ بۇزىلۋى بويىنشا جەكە تەكسەرٸس جٷرگٸزۋدە.