استانادا قايرات ساتىبالدىۇلىنىڭ ٸسٸ بويىنشا سوت باستالدى, - دەپ حابارلايدى Tengrinews.kz قالالىق سوتتىڭ باسپاسٶز قىزمەتٸنە سٸلتەمە جاساپ.
ٸس استانا قالاسىنىڭ بايقوڭىر اۋدانىنىڭ №2 سوتىندا قارالىپ جاتىر. قايرات ساتىبالدىۇلى "الداۋ نەمەسە سەنٸمگە قييانات جاساۋ جولىمەن مٷلٸكتٸك زالال كەلتٸرۋ", "كٸنەلٸگە سەنٸپ تاپسىرىلعان بٶتەن مٷلٸكتٸ يەمدەنۋ نەمەسە تالان-تاراجعا سالۋ, ياعني ٶزٸنٸڭ قىزمەت بابىن پايدالانا وتىرىپ, ادامنىڭ الدىن الا سٶز بايلاسۋى بويىنشا توپتىڭ جىمقىرۋ" باپتارى بويىنشا قىلمىس جاسادى دەپ ايىپتالىپ جاتىر.
ەسكە سالايىق, 13 ناۋرىزدا سىبايلاس جەمقورلىققا قارسى قىزمەت "قازاقتەلەكوم" اق-نىڭ لاۋازىمدىق ٶكٸلەتٸن اسىرا پايدالانۋ جەنە قاراجاتىن اسا ٸرٸ مٶلشەردە ۇرلاۋ دەرەگٸ بويىنشا قىلمىستىق ٸستٸ تەرگەپ جاتقانىن حابارلاعان بولاتىن. بۇل قىلمىستاردى جاسادى دەگەن كٷدٸكپەن قايرات ساتىبالدىۇلى ۇستالىپ, ۋاقىتشا ۇستاۋ يزولياتورىنا قامالعان بولاتىن.
