استانادا كەرٸم مەسٸموۆتٸڭ ەليتالىق زەۋلٸم ٷيٸ اۋكتسيونعا قويىلدى

فوتو: Zakon.kz

ەلورداداعى ەرەيمەنتاۋ كٶشەسٸ, 1-شٸ مەكەنجايىندا ورنالاسقان ەڭسەلٸ زەۋلٸم ٷي ساۋداعا شىعۋعا دايىن تۇر. باستاپقى باعاسى – 1,8 ملرد تەڭگە, كەپٸلدٸك جارناسى – 117,9 ملن تەڭگە. ساۋدا 25 اقپاندا ٶتەدٸ دەپ بەلگٸلەنگەن, دەپ حابارلايدى ەشكەرە تەلەگرام ارناسى.

قىزىعى, دەل وسى ٷيدٸڭ سۋرەتتەرٸن 2022 جىلى ۇقك ەكس-تٶراعا كەرٸم مەسٸموۆ قاماۋعا الىنعان كەزدە جارييالاعان ەدٸ. تەرگەۋ بارىسىندا ونىڭ زاڭسىز يەمدەنگەن بٸرنەشە نىسانى انىقتالعان, سولاردىڭ بٸرٸ - وسى ەڭسەلٸ كوتتەدج.

ەسكە سالساق, مەسٸموۆ 2022 جىلعى قاڭتار وقيعاسى كەزٸندە تۇتقىندالعان. وعان "مەملەكەتكە وپاسىزدىق جاسادى", "بيلٸكتٸ كٷشپەن باسىپ الۋعا ەرەكەتتەندٸ" دەگەن ايىپ تاعىلىپ, 2023 جىلعى سەۋٸردە 18 جىلعا سوتتالدى. ٷكٸمگە اپپەلياتسييا تٷسٸرگەنٸمەن, شەشٸم ٶزگەرمەدٸ. بىلتىرعى جىلدىڭ جازىندا "راقىمشىلىققا ٸلٸگەم بە?" دەگەن ٷمٸتٸ دە اقتالعان جوق. 

ەندٸ "اكتيۆتەردٸ قايتارۋ" مەكەمەسٸ بٸر كەزدەرٸ مەسٸموۆ ٶمٸر سٷرگەن ەليتالىق ٷيدٸ اۋكتسيونعا قويىپ وتىر.