Astanada Kárim Másimovtiń elitalyq záýlim úii aýktsionǵa qoiyldy

Foto: Zakon.kz

Elordadaǵy Ereimentaý kóshesi, 1-shi mekenjaiynda ornalasqan eńseli záýlim úi saýdaǵa shyǵýǵa daiyn tur. Bastapqy baǵasy – 1,8 mlrd teńge, kepildik jarnasy – 117,9 mln teńge. Saýda 25 aqpanda ótedi dep belgilengen, dep habarlaidy Áshkere telegram arnasy.

Qyzyǵy, dál osy úidiń sýretterin 2022 jyly UQK eks-tóraǵa Kárim Másimov qamaýǵa alynǵan kezde jariialaǵan edi. Tergeý barysynda onyń zańsyz iemdengen birneshe nysany anyqtalǵan, solardyń biri - osy eńseli kottedj.

Eske salsaq, Másimov 2022 jylǵy Qańtar oqiǵasy kezinde tutqyndalǵan. Oǵan "memleketke opasyzdyq jasady", "bilikti kúshpen basyp alýǵa árekettendi" degen aiyp taǵylyp, 2023 jylǵy sáýirde 18 jylǵa sottaldy. Úkimge appeliatsiia túsirgenimen, sheshim ózgermedi. Byltyrǵy jyldyń jazynda "raqymshylyqqa iligem be?" degen úmiti de aqtalǵan joq. 

Endi "Aktivterdi qaitarý" mekemesi bir kezderi Másimov ómir súrgen elitalyq úidi aýktsionǵa qoiyp otyr.