فوتو: depositphotos.com
استانادا حالىقارالىق ەيەلدەر كٷنٸن تويلاۋ كەزٸندە جاسالعان ينتەرنەت-الاياقتىقتىڭ بٸرنەشە دەرەگٸ انىقتالدى, دەپ حابارلايدى Ult.kz.
قالا تۇرعىندارىنىڭ بٸرٸنە ٶزٸن گٷل جەتكٸزۋ قىزمەتٸنٸڭ كۋرەرٸ رەتٸندە تانىستىرعان بەلگٸسٸز ادام قوڭىراۋ شالعان. ول ەيەلگە گٷل شوعى جەتكٸزٸلەتٸنٸن ايتىپ, "تاپسىرىستى راستاۋ" ٷشٸن تەلەفونىنا كەلگەن كودتى سۇراعان.
تۇرعىن كودتى بەرٸپ قويعاننان كەيٸن وعان ٶزٸن بانك قاۋٸپسٸزدٸك قىزمەتكەرٸ رەتٸندە تانىستىرعان تاعى بٸر ادام حابارلاسىپ, شوتىندا كٷمەندٸ وپەراتسييالار تٸركەلگەنٸن ايتقان. الاياقتار اقشانى "قاۋٸپسٸز شوتقا" اۋدارۋ قاجەت ەكەنٸن مەلٸمدەپ, ەيەل 600 مىڭ تەڭگەدەن استام قاراجاتتى اۋدارىپ جٸبەرگەن. قازٸرگٸ ۋاقىتتا پوليتسييا اقشا اۋدارىلعان شوتتى انىقتادى.
تاعى بٸر دەرەك بويىنشا, 18 جاستاعى تۇرعىن سٷيٸكتٸسٸنە گٷل شوعىن ارزان باعامەن ساتىپ الۋ ٷشٸن ينتەرنەت-پلاتفورماداعى حابارلاندىرۋعا سەنٸپ, الدىن الا اقشا اۋدارعاننان كەيٸن ساتۋشى بايلانىسقا شىقپاعان. بۇل دەرەك تە پوليتسييادا تٸركەلدٸ.
پوليتسييا ازاماتتارعا كەلەسٸ ساقتىق شارالارىن ۇستانۋدى ەسكەرتەدٸ:
ٷشٸنشٸ تۇلعالارعا ەشقاشان راستاۋ كودتارىن ايتپاڭىز;
كٷمەندٸ قوڭىراۋلار كەزٸندە سٶيلەسۋدٸ توقتاتىپ, بانككە تەك رەسمي نٶمٸر ارقىلى حابارلاسىڭىز;
ينتەرنەت ارقىلى تاپسىرىس جاساعاندا سەنٸمسٸز ساتۋشىلارعا الدىن الا اقشا اۋدارماڭىز.
پوليتسييا تۇرعىنداردى قىراعى بولۋعا جەنە الاياقتاردىڭ ايلاسىنا تٷسپەۋگە شاقىرادى.
