Foto: depositphotos.com
Astanada Halyqaralyq áielder kúnin toilaý kezinde jasalǵan internet-alaiaqtyqtyń birneshe deregi anyqtaldy, dep habarlaidy Ult.kz.
Qala turǵyndarynyń birine ózin gúl jetkizý qyzmetiniń kýreri retinde tanystyrǵan belgisiz adam qońyraý shalǵan. Ol áielge gúl shoǵy jetkiziletinin aityp, "tapsyrysty rastaý" úshin telefonyna kelgen kodty suraǵan.
Turǵyn kodty berip qoiǵannan keiin oǵan ózin bank qaýipsizdik qyzmetkeri retinde tanystyrǵan taǵy bir adam habarlasyp, shotynda kúmándi operatsiialar tirkelgenin aitqan. Alaiaqtar aqshany "qaýipsiz shotqa" aýdarý qajet ekenin málimdep, áiel 600 myń teńgeden astam qarajatty aýdaryp jibergen. Qazirgi ýaqytta politsiia aqsha aýdarylǵan shotty anyqtady.
Taǵy bir derek boiynsha, 18 jastaǵy turǵyn súiiktisine gúl shoǵyn arzan baǵamen satyp alý úshin internet-platformadaǵy habarlandyrýǵa senip, aldyn ala aqsha aýdarǵannan keiin satýshy bailanysqa shyqpaǵan. Bul derek te politsiiada tirkeldi.
Politsiia azamattarǵa kelesi saqtyq sharalaryn ustanýdy eskertedi:
Úshinshi tulǵalarǵa eshqashan rastaý kodtaryn aitpańyz;
Kúmándi qońyraýlar kezinde sóilesýdi toqtatyp, bankke tek resmi nómir arqyly habarlasyńyz;
Internet arqyly tapsyrys jasaǵanda senimsiz satýshylarǵa aldyn ala aqsha aýdarmańyz.
Politsiia turǵyndardy qyraǵy bolýǵa jáne alaiaqtardyń ailasyna túspeýge shaqyrady.
