استانادا ەكس-دەپۋتاتتار اسا ٸرٸ كٶلەمدەگٸ ۇرلىق ٷشٸن سوتتالدى

فوتو: اشىق دەرەككٶز

استانادا ەكس-مəسليحات دەپۋتاتى ا.بەلەنتسەۆا مەن د.مەرگەنباەۆقا قاتىستى اسا ٸرٸ كٶلەمدەگٸ ۇرلىق فاكتٸسٸ بويىنشا سوت ٷكٸمٸ شىقتى. تەرگەۋدٸ قارجىلىق مونيتورينگ اگەنتتٸگٸنٸڭ استانا قالاسى بويىنشا دەپارتامەنتٸ جٷرگٸزدٸ, دەپ حابارلايدى Ult.kz.

سوت انىقتاعانداي, 2020 جىلى سوتتالعاندار توو «وليمپ ترانس سەرۆيس» اتىنان 23,2 ملرد تەڭگەگە ەرەيمەنتاۋ اۋدانىندا جەل ەلەكتر ستانتسيياسىن سالۋ تۋرالى كەلٸسٸمشارت جاساعان. الايدا, جالعان قۇجاتتار رەسٸمدەۋ ارقىلى ولار قاراجاتتى سەرٸكتەس كومپانييالاردىڭ شوتتارىنا اۋدارىپ, كەيٸن قولما-قول اقشاعا اينالدىرعان. بۇل ەرەكەتتەر 8,5 ملرد تەڭگە كٶلەمٸندە زالال كەلتٸرگەن.

سوت شەشٸمٸمەن 13 ملرد تەڭگەنٸڭ مٷلكٸنە (زاۋىت, دەمالىس بازاسى, ارنايى تەحنيكا مەن كٶلٸكتەر) تىيىم سالىندى.

ٷكٸم:

• ا.بەلەنتسەۆا — 8 جىل 6 ايعا باس بوستاندىعىنان ايىرىلدى.

• د.مەرگەنباەۆ — 6 جىل 8 ايعا باس بوستاندىعىنان ايىرىلدى.

سونىمەن قاتار, سوت 8,5 ملرد تەڭگە كٶلەمٸندەگٸ ازاماتتىق تالاپتى قاناعاتتاندىرىپ, ونى ورىنداۋ اياقتالعانشا مٷلٸككە سالىنعان تىيىمدى ساقتاپ قالدى.

ٷكٸم زاڭدى كٷشٸنە ەنگەن جوق.