فوتو: اشىق دەرەككٶز
استانانىڭ اۋدانارالىق قىلمىستىق ٸستەر جٶنٸندەگٸ سوتىندا 65 جاستاعى گٷلنار سادىقوۆا مەن 41 جاستاعى ايجان اتجانوۆاعا قاتىستى ٷكٸم جارييالاندى. سادىقوۆا ون جىلدان استام ۋاقىت ەلورداداعى №81 مەكتەپتٸ باسقارعان, ال اتجانوۆا باس ەسەپشٸ قىزمەتٸن اتقارعان, دەپ حابارلايدى Ult.kz.
سوتتىڭ انىقتاۋىنشا, بٸرنەشە جىل بويى بٸلٸم بەرۋ مەكەمەسٸندە التى قىزمەتكەر جالعان تٷردە تٸركەلٸپ, ٸس جٷزٸندە جۇمىس اتقارماعان. ولارعا ەسەپتەلگەن جالاقى زاڭسىز يەمدەنٸلٸپ وتىرعان. بۇل ەپيزود بويىنشا كەلتٸرٸلگەن شىعىن 28 ملن تەڭگەدەن اسقان.
سونىمەن قاتار مەكتەپتە مەكتەپكە دەيٸنگٸ بٸلٸم بەرۋگە ليتسەنزييا بولماعانىنا قاراماستان نٶلدٸك سىنىپتار ۇيىمداستىرىلعانى بەلگٸلٸ بولدى. تٶلەمدەر قولما-قول قابىلدانعان. وسى باعىتتاعى زالال كٶلەمٸ 300 ملن تەڭگەدەن اسقان.
تەرگەۋ جازعى لاگەرلەردٸ ۇيىمداستىرۋ بارىسىندا دا زاڭبۇزۋشىلىقتار بولعانىن انىقتاعان. قازاقستان رەسپۋبليكاسى قارجىلىق مونيتورينگ اگەنتتٸگٸ مەلٸمەتٸنشە, بۇل ەپيزود بويىنشا تابىس كەمٸندە 24 ملن تەڭگەنٸ قۇراعان.
بۇدان بٶلەك, شەتەلدٸك وقىتۋشىلاردى جوعارى مٶلشەرلەمەمەن جۇمىسقا شاقىرۋ كەزٸندە دە قارجىنىڭ بٸر بٶلٸگٸ يەمدەنٸلگەنٸ دەلەلدەندٸ. ەڭگٸمە شامامەن 70–75 ملن تەڭگە تۋرالى بولىپ وتىر. ٸس ماتەريالدارىنا سەيكەس, ايجان اتجانوۆانىڭ ەسەپشوتتارى ارقىلى شامامەن 175 ملن تەڭگە ٶتكەن.
سۋديا ەسەل مۋكۋشەۆا ەكٸ ايىپتالۋشىنىڭ كٸنەسٸ تولىق دەلەلدەندٸ دەگەن قورىتىندىعا كەلدٸ. گٷلنار سادىقوۆا 8 جىلعا باس بوستاندىعىنان ايىرىلىپ, مٷلكٸ تەركٸلەندٸ. ايجان اتجانوۆا 7 جىلعا سوتتالىپ, اۆتوكٶلٸگٸ مەن كوممەرتسييالىق نىسانى تەركٸلەندٸ.
ٷكٸم زاڭدى كٷشٸنە ەنگەن جوق.
