فوتو: اشىق دەرەككٶز
استانادا 2024 جىلى 25 شٸلدەدە جوسپارلى وپەراتسييا كەزٸندە كەمەلەتكە تولماعان بالانىڭ ٶلٸمٸنە سەبەپكەر بولدى دەپ ايىپتالعان انەستەزيولوگ دەرٸگەرگە قاتىستى سوت ٷكٸمٸ شىقتى, دەپ حابارلايدى قالالىق سوت.
بالا "سوزىلمالى پوليپوزدى پوليسينۋسيت" دياگنوزىمەن اۋرۋحانانىڭ وتورينولارينگولوگييا بٶلٸمٸنە جاتقىزىلعان. 29 شٸلدەدەگٸ ەندوسكوپييالىق سينۋسوتومييا وپەراتسيياسى بارىسىندا انەستەزيولوگ مەديتسينالىق كٶمەكتٸ كٶرسەتۋ كەزٸندە قاتە جٸبەرگەن. ەندوتراحەالدىق ينتۋباتسييالىق تٷتٸكتٸڭ گەرمەتيكالىعى بۇزىلىپ, قان تىنىس جولدارىنا كەتكەن, نەتيجەسٸندە بالانىڭ جاعدايى اسقىنىپ, كٶز جۇمعان.
سوتتالۋشى كٸنەسٸن مويىنداماعانىمەن, سوت ونى كٸنەلٸ دەپ تانىپ, 2 جىلعا باس بوستاندىعىنان ايىرۋ جەنە 3 جىلعا مەديتسينالىق قىزمەت كٶرسەتۋگە بايلانىستى لاۋازىمداردى اتقارۋ قۇقىعىنان ايىرۋ جازاسىن تاعايىنداعان.
الايدا, قازاقستان كونستيتۋتسيياسىنىڭ 30 جىلدىعىنا وراي قابىلدانعان امنيستييا بويىنشا نەگٸزگٸ جازادان بوساتىلدى.
دەرٸگەر تەك قوسىمشا جازانى ٶتەۋگە مٸندەتتەلدٸ, ال جەبٸرلەنۋشٸلەر سوت ٷكٸمٸن قاتاڭداتۋدى تالاپ ەتكەن ەدٸ.
