Foto: ashyq derekkóz
Astanada 2024 jyly 25 shildede josparly operatsiia kezinde kámeletke tolmaǵan balanyń ólimine sebepker boldy dep aiyptalǵan anesteziolog dárigerge qatysty sot úkimi shyqty, dep habarlaidy qalalyq sot.
Bala "sozylmaly polipozdy polisinýsit" diagnozymen aýrýhananyń otorinolaringologiia bólimine jatqyzylǵan. 29 shildedegi endoskopiialyq sinýsotomiia operatsiiasy barysynda anesteziolog meditsinalyq kómekti kórsetý kezinde qate jibergen. Endotrahealdyq intýbatsiialyq tútiktiń germetikalyǵy buzylyp, qan tynys joldaryna ketken, nátijesinde balanyń jaǵdaiy asqynyp, kóz jumǵan.
Sottalýshy kinásin moiyndamaǵanymen, sot ony kináli dep tanyp, 2 jylǵa bas bostandyǵynan aiyrý jáne 3 jylǵa meditsinalyq qyzmet kórsetýge bailanysty laýazymdardy atqarý quqyǵynan aiyrý jazasyn taǵaiyndaǵan.
Alaida, Qazaqstan Konstitýtsiiasynyń 30 jyldyǵyna orai qabyldanǵan amnistiia boiynsha negizgi jazadan bosatyldy.
Dáriger tek qosymsha jazany óteýge mindetteldi, al jábirlenýshiler sot úkimin qatańdatýdy talap etken edi.
