نۇر-سۇلتانداعى كٶلٸك كەپتەلٸسٸ مەسەلەسٸن شەشۋ ٷشٸن 2 كٶپٸر سالۋ جوسپارلانىپ وتىر. بۇل تۋرالى قالالىق كٶلٸك جەنە جول-كٶلٸك ينفراقۇرىلىمىن دامىتۋ باسقارماسىنىڭ باسشىسى جانسۇلتان ساپارباەۆ مەلٸم ەتتٸ, دەپ حابارلايدى قازاقپارات.
«قالادا كٶلٸك كەپتەلٸسٸ ەلٸ دە ٶزەكتٸ. ەسٸرەسە, مەڭگٸلٸك ەل داڭعىلى بويىندا, اتاپ ايتقاندا مينيسترلٸكتەر ٷيٸ مەن ۇلتتىق بانك ارالىعىندا. بۇرىن جارتى ساعاتتاپ تۇرساق, قازٸر 1,5 ساعاتقا دەيٸن سوزىلادى. مەڭگٸلٸك ەل داڭعىلىمەن قاتار ورنالاسقان ە.بٶكەيحانوۆ كٶشەسٸندە دە جاعداي مەز ەمەس, جٶندەۋ كەرەك. وسى مەسەلەلەر قالاي شەشٸلمەك?» - دەپ قالالىق مەسليحاتتىڭ دەپۋتاتى نۇردەۋلەت ورازحانوۆ ساۋال جولداعان.
دەپۋتات ساۋالىنا قالالىق كٶلٸك جەنە جول-كٶلٸك ينفراقۇرىلىمىن دامىتۋ باسقارماسىنىڭ باسشىسى جانسۇلتان ساپارباەۆ جاۋاپ بەردٸ.
«جالپى سول جاعالاۋداعى كەپتەلٸس مەسەلەسٸن شەشۋ ٷشٸن قوسىمشا ەكٸ كٶپٸر سالۋ قاجەت. العاشقىسى – تەۋەلسٸزدٸك, ەكٸنشٸ كٶپٸر – ۇلى دالا داڭعىلىندا. بٷگٸندە تەۋەلسٸزدٸك داڭعىلىنداعى كٶپٸر قۇرىلىسىنىڭ مونتاجداۋ جۇمىسى باستالدى. رەسپۋبليكالىق بيۋدجەتتەن قارجى كٷتٸپ وتىرمىز. كٶپٸر قۇرىلىسى ٷشٸن 7 ملرد تەڭگەگە جۋىق قاراجات كەرەك. ۇلى دالا بويىندا سالىناتىن كٶپٸر بويىنشا مەردٸگەر كومپانييا انىقتالدى. ول جەردە جۇمىس بٷگٸن باستالادى. كٶپٸردٸ قالا كٷنٸنە وراي قولدانىسقا بەرۋگە تىرىسامىز. 2 كٶپٸر ٸسكە قوسىلعاننان كەيٸن مەڭگٸلٸك ەل, تۇران, قابانباي باتىر داڭعىلدارىنىڭ بويىنداعى كەپتەلٸس رەتتەلۋٸ تيٸس», - دەيدٸ ول.
ودان بٶلەك, باسقارما باسشىسىنىڭ ايتۋىنشا, بۇقار جىراۋ كٶشەسٸندەگٸ بىلتىر باستالعان كٶپٸر بيىل پايدالانۋعا بەرٸلمەك.
