نۇر-سۇلتان قالاسىنىڭ ۆولونتەرلەرٸ كٶشەدە مەديتسينالىق ماسكالاردى تەگٸن تاراتتى, دەپ حابارلايدى "ۇلت اقپارات".
«COVID-19 ۆيرۋسى ەلوردا اۋماعىن عانا ەمەس, قازاقستاننىڭ باسقا قالالارىنا دا تارالدى. قازٸر جاپپاي ۆاكتسيناتسييا جٷرگٸزٸلٸپ جاتىر. بٸراق ساقتىق شاراسىن قاتاڭ ساقتاۋىمىز كەرەك. سوندىقتان نۇر-سۇلتان قالاسىنىڭ ەكٸمدٸگٸ, ەلوردالىق جاستار ساياساتى باسقارماسى, «استانا جاستارى» كمم بەلسەندٸ ەرٸكتٸلەرمەن بٸرگە ەل تەۋەلسٸزدٸگٸنٸڭ 30 جىلدىعىنا وراي ساياباقتار مەن گٷلزارلاردا سەرۋەندەپ جٷرگەن جاندارعا 10 مىڭنان استام بەتپەردە تاراتۋ, سونداي-اق قاۋٸپسٸزدٸك شارالارىن مٷلتٸكسٸز ساقتاۋ قاجەتتٸگٸن تٷسٸندٸرۋ ٷشٸن شىقتى. اكتسييا مۇنىمەن اياقتالمايدى, ەندٸ 30 مىڭ ماسكاعا دەيٸن تاراتۋدى جوسپارلاپ وتىرمىز. بٸز ٷشٸن جۇرتتىڭ قاۋٸپسٸزدٸگٸ ٶتە ماڭىزدى», - دەدٸ «استانا جاستارى» كمم باسشىسىنىڭ ورىنباسارى ايان ەرمەنتاەۆ.
سانيتارلىق تالاپتاردى ساقتاماعان تۇرعىندار ٶز ٶمٸرٸنە عانا ەمەس, ٶزگەلەرگە دە قاۋٸپ تٶندٸرەدٸ. ۇيىمداستىرۋشىلار قاۋٸپسٸزدٸك شارالارىن ۇستانۋ بويىنشا دا تٷسٸندٸرۋ جۇمىستارىن جٷرگٸزدٸ.
