Nur-Sultan qalasynyń volonterleri kóshede meditsinalyq maskalardy tegin taratty, dep habarlaidy "Ult aqparat".
«COVID-19 virýsy elorda aýmaǵyn ǵana emes, Qazaqstannyń basqa qalalaryna da taraldy. Qazir jappai vaktsinatsiia júrgizilip jatyr. Biraq saqtyq sharasyn qatań saqtaýymyz kerek. Sondyqtan Nur-Sultan qalasynyń ákimdigi, elordalyq Jastar saiasaty basqarmasy, «Astana jastary» KMM belsendi eriktilermen birge el Táýelsizdiginiń 30 jyldyǵyna orai saiabaqtar men gúlzarlarda serýendep júrgen jandarǵa 10 myńnan astam betperde taratý, sondai-aq qaýipsizdik sharalaryn múltiksiz saqtaý qajettigin túsindirý úshin shyqty. Aktsiia munymen aiaqtalmaidy, endi 30 myń maskaǵa deiin taratýdy josparlap otyrmyz. Biz úshin jurttyń qaýipsizdigi óte mańyzdy», - dedi «Astana jastary» KMM basshysynyń orynbasary Aian Ermentaev.
Sanitarlyq talaptardy saqtamaǵan turǵyndar óz ómirine ǵana emes, ózgelerge de qaýip tóndiredi. Uiymdastyrýshylar qaýipsizdik sharalaryn ustaný boiynsha da túsindirý jumystaryn júrgizdi.
