بٷگٸن ەلوردادا استانا فورماتىنداعى سيرييا بويىنشا 16-شى حالىقارالىق كەزدەسۋ اياقتالدى. قورىتىندىسىندا كەلٸسسٶزگە قاتىسۋشىلار بٸرلەسكەن مەلٸمدەمە قابىلدادى, دەپ حابارلايدى قازاقپارات.
استانا فورماتىنداعى كەلٸسسٶزدٸڭ كەپٸلگەر ەلدەرٸ يران يسلام رەسپۋبليكاسى, رەسەي فەدەراتسيياسى جەنە تٷركييا رەسپۋبليكاسىنىڭ بٸرلەسكەن مەلٸمدەمەسٸندە سيرييا اراب رەسپۋبليكاسىنىڭ ەگەمەندٸگٸن, تەۋەلسٸزدٸگٸن بٸرلٸگٸ مەن اۋماقتىق تۇتاستىعىن جاقتايتىندىقتارى اتاپ ٶتٸلگەن. سونىمەن قاتار سيرييانىڭ ەر قيىرىندا لاڭكەستٸك ەرەكەتتەردٸڭ ارتا تٷسۋٸنە, ونىڭ سالدارىنان بەيبٸت تۇرعىندار اراسىندا قۇربانداردىڭ كٶبەيۋٸنە الاڭداۋشىلىق تانىتىپ, يگيل, دجابحات ان-نۋسرا/حەيات تاحرير اش-شام», بۇعان قوسا ەل-كايدامەن بايلانىستى بار ۇيىمداردى تولىقتاي جويۋ باعىتىندا ىنتىماقتاستىقتى جالعاستىرۋ ۋاعدالاستىعىنا قول جەتكٸزٸلگەندٸگٸنە باسا نازار اۋدارىلعان.
«حالىقارالىق قۇقىقتى, حالىقارالىق گۋمانيتارلىق قۇقىقتى بۇزاتىن, سيرييانىڭ جەنە كٶرشٸلەس ەلدەردٸڭ ەگەمەندٸگٸنە نۇقسان كەلتٸرەتٸن, ٶڭٸردەگٸ تۇراقتىلىق پەن قاۋٸپسٸزدٸككە قاتەر تٶندٸرەتٸن يزرايلدٸڭ سيريياعا ەسكەري شابۋىلىنىڭ جالعاسۋىن ايىپتادىق جەنە ولاردى توقتاتۋعا شاقىردىق. سيرييا قاقتىعىسىنىڭ ەسكەري شەشٸمٸ جوق ەكەندٸگٸنە نىق سەنٸم بٸلدٸردٸك», - دەلٸنگەن بٸرلەسكەن مەلٸمدەمەدە.
