ەلوردادا ٶتەتٸن استانا پروتسەسٸنە كەلٸسسٶزدەرگە قاتىسۋشى بارلىق تاراپ كەلەدٸ. بۇل تۋرالى بٷگٸن قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ ايتتى, دەپ حابارلايدى قازاقپارات.
«10-11 جەلتوقساندا نۇر-سۇلتاندا استانا پروتسەسٸ اياسىندا سيرييا بويىنشا جوعارى دەڭگەيدەگٸ 14-شٸ حالىقارالىق كەزدەسۋ ٶتەتٸنٸ مەلٸم. سيرييا بويىنشا استانا پروتسەسٸنٸڭ بارلىق تاراپتارى كەلٸسسٶزدەرگە قاتىساتىنىن راستادى جەنە بٸزدٸڭ ەلوردامىزعا كەلە باستادى. ولاردىڭ اراسىندا كەپٸلگەر-مەملەكەتتەردٸڭ دەلەگاتسييالارى – رەسەي, تٷركييا جەنە يران, سيرييا ٷكٸمەتٸ مەن سيرييا قارۋلى وپپوزيتسيياسى بار», - دەدٸ ايبەك سماديياروۆ.
ونىڭ اتاپ ٶتۋٸنشە, كەزدەسۋگە باقىلاۋشى رەتٸندە بۇۇ باس حاتشىسىنىڭ سيرييا جٶنٸندەگٸ ارنايى ٶكٸلٸ گەير پەدەرسەننٸڭ باسشىلىعىمەن ارنايى دەلەگاتسييا قاتىسادى. رەسەي دەلەگاتسيياسىن رف پرەزيدەنتٸنٸڭ سيرييا بويىنشا ارنايى ٶكٸلٸ الەكساندر لاۆرەنتەۆ باسقارادى. يران دەلەگاتسيياسى ەلدٸڭ سىرتقى ٸستەر مينيسترٸنٸڭ ساياسي مەسەلەلەر جٶنٸندەگٸ اعا كٶمەكشٸسٸ الي اسگار حادجيدٸڭ باسشىلىعىمەن قاتىساتىن بولادى.
«ٸس-شارا باستالعانعا دەيٸن بٸر كٷن بۇرىن كەپٸلگەر-ەلدەردٸڭ ٶكٸلدەرٸ ساراپشىلار دەڭگەيٸندە ەكٸ جاقتى جەنە ٷش جاقتى كونسۋلتاتسييالار ٶتكٸزۋگە نيەتتٸ. جالپى وتىرىس بارلىق تاراپتاردىڭ قاتىسۋىمەن 11 جەلتوقسانعا جوسپارلانعان», - دەدٸ ول.
