استانادا №1 پەريناتالدىق ورتالىقتا بوسانعان ەكٸ ەيەلدٸڭ قايتىس بولۋى وقيعاسىنىڭ مەن-جايى جارييا ەتٸلدٸ, دەپ حابارلايدى قازاقپارات.
استانا قالاسى قوعامدىق دەنساۋلىق ساقتاۋ باسشىسى ورىنباسارىنىڭ مٸندەتٸن اتقارۋشى سەۋلە مۇقىشەۆانىڭ سٶزٸنە قاراعاندا, ەكٸ جىل بويى №1 پەريناتالدىق ورتالىقتا انا ٶلٸمٸ تٸركەلمەگەن. سونىمەن قاتار, وسى ورتالىقتىڭ ماماندارى جوعارى بٸلٸكتٸلٸكتٸ دەرٸگەرلەر.
«جەدەل ەم-دوم شارالارىن كٶرسەتۋ كەزٸندە استانا اۋماعىنداعى رەسپۋبليكالىق مەكەمەلەردٸڭ بارلىق ماماندارى شاقىرتىلدى. ولارعا رەانيماتسييانىڭ ەڭ جاڭا ەدٸستەرٸ قولدانىلدى. كەشە استانا قالاسى ەكٸمٸنٸڭ ورىنباسارى ەرمەك امانشاەۆتىڭ, باسقارما باسشىسىنىڭ قاتىسۋىمەن كەزەكتەن تىس شتاب ٶتكٸزٸلدٸ. قازٸرگٸ كەزدە قىزمەتتٸك تەكسەرۋ جٷرٸپ جاتىر. استانا قالاسى قوعامدىق دەنساۋلىق ساقتاۋ باسقارماسىمەن كوميسسييا قۇرىلدى», - دەدٸ سەۋلە مۇقىشەۆا.
ونىڭ سٶزٸنە قاراعاندا, باسقارمادا الدىن الا قىزمەتتٸك تەكسەرۋ مەن رەسپۋبليكالىق كوميسسييانىڭ تەكسەرۋٸ شارالارىن كٷتٸپ وتىر. ولار ەكٸ وقيعا بويىنشا بارلىق مەلٸمەتتەردٸ تىڭعىلىقتى قاراپ شىعادى.
«رەسپۋبليكالىق كوميسسييا نەتيجەسٸ بويىنشا قوعامدىق دەنساۋلىق ساقتاۋ باسقارماسى ۇيىمداستىرۋشىلىق ەرٸ باسقارۋشىلىق شارالاردى قابىلدايدى. گەستولوگييالىق زەرتتەۋلەر دايىن ەمەس. ولار تەك 10 كٷننەن كەيٸن ەزٸر بولادى», - دەپ تٷسٸندٸردٸ ول.
سونىمەن قاتار, باسقارما باسشىلىعىنىڭ مەلٸمەتٸنشە, دٷنيەگە كەلگەن بالالاردىڭ قازٸرگٸ جاعدايى اۋىر بولسا دا, تۇراقتى. «ولار جانساقتاۋ بٶلٸمٸندە بٸلٸكتٸ مامانداردىڭ باقىلاۋىندا جاتىر», - دەپ ناقتىلادى ول.
دەرەگەرلەردٸڭ ايتۋىنشا, 34 جاستاعى بوسانعان بٸرٸنشٸ ەيەل 21 ماۋسىمدا تاڭعى ساعات 5-تە, ال ەكٸنشٸسٸ (31 جاستا) 25 ماۋسىمدا ساعات 4 كەزٸندە كٶز جۇمدى.
«بٸرٸنشٸ جاعدايدا كەلٸنشەك بالانى ٶزٸ بوساندى, ال ەكٸنشٸ جاعدايدا كەسار تٸلٸگٸ جاسالدى. ەكەۋٸ دە وسىعان دەيٸن بوسانعان ەيەلدەر. سونىمەن قاتار ولاردىڭ جٷكتٸلٸككە بايلانىستى ەمەس اۋرۋلارى بولعان», - دەدٸ سەۋلە مۇقىشەۆا.
بۇدان بۇرىن حابارلانعانداي, استانادا №1 پەريناتالدىق ورتالىقتا بوسانعان ەكٸ ەيەل قايتىس بولدى.
