قازاقستاندىق ميحايل كۋكۋشكين Astana Open ATP 250 تۋرنيرٸنٸڭ جارتىلاي فينالىنا ٶتە المادى, دەپ حابارلايدى "ۇلت اقپارات".
ەلەمنٸڭ 91-راكەتكاسى م.كۋكۋشكين شيرەك فينالدا رەيتينگتە 98-ورىندا تۇرعان 21 جاستاعى فينلياندييالىق ەميل رۋۋسۋۆۋوريمەن شەبەرلٸك بايقاستى.
بٸرٸنشٸ پارتييادا باستاپ دوپ بەرگەن فين سپورتشىسى ەسەپ 3:2 بولعان مەزەتتە برەيك جاساپ كەتتٸ. سودان كەيٸن وسى باسىمدىلىعىنان ايىرىلعان جوق – 6:3.
ەكٸنشٸ سەتتٸ ە.رۋۋسۋۆۋوري قوس برەيكپەن باستادى – 4:0. سوسىن ماتچتى تاعى بٸر برەيكپەن تەمامدادى – 6:1.
بەسەكە 1 ساعات 20 مينۋتقا سوزىلدى.
فين تەننيسشٸسٸ فينالعا شىعۋ ٷشٸن ەلەمنٸڭ 39-راكەتكاسى, فرانتسييالىق ادريان ماننارينومەن تالاسادى. ول شيرەك فينالدا امەريكالىق ماككەنزي ماكدونالدتى 6:1, 6:4 ەسەبٸمەن تٸزە بٷكتٸردٸ.
ەكٸنشٸ جارتىلاي فينالدا امەريكالىق فرەنسيس تيافو مەن اۋسترالييالىق دجون ميللمان كەزدەسەدٸ.
ەلٸمٸزدە ATP 250 دەڭگەيٸندە العاش ٶتٸپ جاتقان جارىس 1 قاراشا كٷنٸ مەرەگە جەتەدٸ.
