پروكۋرور "استانا LRT" جوباسى بويىنشا ايىپتالعانداردى 7-11 جىلعا باس بوستاندىعىنان ايىرۋدى سۇرادى. بۇل تۋرالى جەرگٸلٸكتٸ باق حابارلادى. "ەلدەگٸ جەمقورلىقتىڭ كٶرٸنٸسٸ" دەپ اتالعان ٸس بويىنشا سوت پروتسەسٸ بىلتىر كٷزدە نۇر-سۇلتاننىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالا باستاعان ەدٸ. بيىل سەۋٸر ايىندا ٸس اياقتالۋعا جاقىن قالعاندا بٸرقاتار جايتتاردى انىقتاۋ ٷشٸن قايتا سوزىلدى, دەپ جازادى ازاتتىق.
ٸستە 7 ايىپتالۋشى بار. ولارعا "ۇيىمداسقان توپ قۇرۋ جەنە وعان جەتەكشٸلٸك ەتۋ" جەنە "ٶزٸنە سەنٸپ تاپسىرىلعان مٷلٸكتٸ يەمدەنۋ جەنە جۇمساۋ" باپتارى بويىنشا ايىپتار تاعىلعان.
دٷيسەنبٸ كٷنگٸ جارىسسٶزدە مەملەكەتتٸك ايىپتاۋشى سوتتان جەتەۋٸن دە كٸنەلٸ دەپ تانىپ, تٷرمە جازاسىن بەرۋدٸ سۇرادى. اتاپ ايتقاندا:
- نۇر-سۇلتان قالاسىنىڭ جولاۋشىلار كٶلٸگٸ جەنە اۆتوموبيل جولدارى باسقارماسىنىڭ بۇرىنعى جەتەكشٸسٸ راشيد امانجولوۆقا – 11 جىل تاعايىنداۋدى, قاۋٸپسٸزدٸگٸ جوعارى تٷزەتۋ مەكەمەسٸنە جٸبەرۋ;
- نۇر-سۇلتان قالالىق مەسليحاتىنىڭ حاتشىسى, بۇرىنعى دەپۋتات جانات نۇرپەيٸسوۆكە – 9 جىل, مٷلكٸن تەركٸلەپ, قاۋٸپسٸزدٸگٸ جوعارى تٷزەتۋ مەكەمەسٸنە جٸبەرۋ;
- Astana Innovations كومپانيياسى باسقارماسىنىڭ بۇرىنعى تٶراعاسى تالعات ەشٸمگە – 8 جىل, مٷلكٸن تەركٸلەپ, قاۋٸپسٸزدٸگٸ ورتاشا مەكەمەگە جٸبەرۋ;
- ەنشٸلەس كومپانييا ٶكٸلٸ ۇلىقبەك اچيلوۆقا – 11 جىل, مٷلكٸن تەركٸلەپ, قاۋٸپسٸزدٸگٸ ورتاشا مەكەمەگە جٸبەرۋ;
- ەنشٸلەس كومپانييا ٶكٸلٸ تيمۋر قاساباەۆقا – 8 جىل, مٷلكٸن تەركٸلەپ, قاۋٸپسٸزدٸگٸ ورتاشا مەكەمەگە جٸبەرۋ;
- ەنشٸلەس كومپانييا ٶكٸلٸ دۋلات مٷسەنوۆكە – 7 جىل, مٷلكٸن تەركٸلەپ, قاۋٸپسٸزدٸگٸ ورتاشا مەكەمەگە جٸبەرۋ;
- ەنشٸلەس كومپانييا ٶكٸلٸ دەۋرەن ەبدٸحاميتوۆكە – 11 جىل, مٷلكٸن تەركٸلەپ, قاۋٸپسٸزدٸگٸ ورتاشا مەكەمەگە جٸبەرۋدٸ سۇراعان.
ايىپتالۋشىلاردىڭ ادۆوكاتتارى ايىپتاۋ جاعى "ٸستٸ ٷستٸرت جٷرگٸزدٸ" دەپ سانايدى.
وسىعان دەيٸن ٸستٸ تەرگەگەن جەمقورلىقپەن كٷرەس ٸس-قيمىل اگەنتتٸگٸ "اقشا جىمقىرۋ سحەماسىن نۇر-سۇلتان قالاسى ەكٸمٸنٸڭ بۇرىنعى ورىنباسارى قانات سۇلتانبەكوۆ, "استانا LRT" كومپانيياسىنىڭ بۇرىنعى باسشىسى تالعات اردان ۇيىمداستىرعان" دەپ مەلٸمدەگەن ەدٸ. ولارعا حالىقارالىق ٸزدەۋ جارييالانعان.
تەرگەۋ ورگاندارىنىڭ مەلٸمەتٸنشە, شەنەۋنٸكتەر كەسٸپكەرلەرمەن بٸرگە جوبا قۇنىن جاساندى تٷردە قىمباتتاتىپ, جالعان كەسٸپورىنداردىڭ كٶمەگٸمەن ميلليارد تەڭگەنٸ قاعاز اقشاعا اينالدىرعان.
LRT جوباسىنىڭ تيٸمدٸلٸگٸ جايلى مەسەلە قىتايدان ينۆەستيتسييا تارتىلىپ, قۇرىلىسى باستالعان سەتتەن (2017 جىل) بەرٸ جيٸ ايتىلىپ كەلەدٸ. قازاقستانداعى العاشقى جەڭٸل رەلستٸ ترانسپورت جٷيەسٸ استانانىڭ سول جاعالاۋىنان ەۋەجاي جەنە تەمٸر جول ۆوكزالىنا دەيٸن جولاۋشىلار تاسىمالداۋى تيٸس بولعان.
2019 جىلى جازدا پرەمەر-مينيستردٸڭ بٸرٸنشٸ ورىنباسارى, قارجى مينيسترٸ ەليحان سمايلوۆ LRT جوباسىن جٷزەگە اسىرۋ ٷشٸن قازاقستاننىڭ قىتايدىڭ دامۋ مەملەكەتتٸك بانكٸنەن 1,5 ملرد دوللار كٶلەمٸندە قارىز العانىن حابارلاعان, ونىڭ 344 ملن دوللارى قۇرىلىسقا جاراتىلىپ قويعان.
بٸراق قىتاي بانكٸ مەردٸگەرلەرگە قاتىسى بار پروبلەماعا بايلانىستى قارجىلاندىرۋدى توقتاتىپ, اقىرى ٷكٸمەت قۇرىلىستى اياقتاۋ ٷشٸن قارجى بٶلەتٸنٸن ايتقان.
پرەزيدەنت قاسىم-جومارت توقاەۆ 2019 جىلى كٷزدە جوبانى اشىق سىناپ, "داۋلى جوبا" دەپ اتاعان.
دەگەنمەن استانا بيلٸگٸ كەيٸنٸرەك LRT قۇرىلىسىن جالعاستىرا بەرەتٸنٸن حابارلادى. ستانتسييالار مەن جەراستى جاياۋ جٷرگٸنشٸلەر ٶتكەلٸ قىسقارادى.
قازتاگ-تىڭ جازۋىنشا, "استانا LRT" جشس جەمقورلىق داۋىنان كەيٸن City Transportation Systems (CTS) بولىپ ٶزگەرتٸلگەن.
