«استانا» كومانداسىنىڭ مٷشەسٸ رەسەيلٸك الەكساندر ۆلاسوۆ «دجيرو د'يتالييا» جارىسىندا تٶرتٸنشٸ ورىنعا تۇراقتادى, دەپ حابارلايدى euronews.
Ineos Grenadiers كومانداسىنىڭ كولۋمبييالىق ۆەلوشاباندوزى ەگان بەرنال كٶپكٷندٸك «دجيرو د'يتالييا» ۆەلوجارىسىنىڭ جالپى ەسەبٸندە جەڭٸمپاز اتاندى. ول بۇل جارىسقا العاش رەت قاتىسىپ وتىر. كولۋمبييالىق 2019 جىلى «تۋر دە فرانس» جارىسىندا بٸرٸنشٸ كەلٸپ, وسى كٶپكٷندٸكتە العاش رەت 110 جىلدا ەڭ جاس جەڭٸمپاز اتاندى.
ەكٸنشٸ ورىندا Bahrain Victorious كومانداسىنىڭ سپورتشىسى يتالياندىق داميانو كارۋزو, ٷشٸنشٸ ورىندا Team Bikeexchange ۆەلوشاباندوزى بريتاندىق سايمون يەيتس تۇر.
جارىس 8-30 مامىر ارالىعىندا ٶتكٸزٸلٸپ, ميلان قالاسىندا مەرەسٸنە جەتتٸ. كٶپكٷندٸك 21 كەزەڭنەن تۇرادى.
«استانا» كومانداسىنىڭ مٷشەسٸ رەسەيلٸك الەكساندر ۆلاسوۆ تٶرتٸنشٸ ورىنعا تۇراقتادى.
بيىل جارىستىڭ باعدارى ٶزگەرتٸلدٸ, ۇيىمداستىرۋشىلار موتتارونە تاۋىنا بارمايتىن بولىپ شەشتٸ, ٶيتكەنٸ وندا 23 مامىردا فۋنيكۋلەر كابيناسى قۇلاپ, 14 تۋريست قازا تاپقان ەدٸ.
