«استانا» بەلارۋس كومانداسىنىڭ قاقپاسىنا ەكٸ دوپ سوقتى

استانا» باس باپكەرٸ ستانيمير ستويلوۆ العاشقى مينۋتتان نەناد ەريچ, ابزال بەيسەبەكوۆ, يۋريي لوگۆينەنكو, مارين انيچيچ, نەمانيا ماكسيموۆيچ, روحەر كانياس, سەرٸكجان مۇجىقوۆ, پاتريك تۆۋماسي, دجۋنيور كابانانگانى شىعاردى. وسى جەردە ايتا كەتەتٸن جايت, لوگۆينەنكو ٶزٸنە اسا قولايلى ەمەس, سول قاپتالدا ٶنەر كٶرسەتتٸ. بٸراق يۋريي سەنٸمدٸ اقتاي بٸلدٸ. سەبەبٸ, «استانانىڭ» نەگٸزگٸ سول قاپتالداعى قورعاۋشىسى دميتريي شومكو «سەلتيكپەن» بولعان ويىندا قىزىل قاعاز العان ەدٸ. سوندىقتان بۇل ماتچتا كومانداسىنا كٶمەكتەسە المادى.

العاشقى تايمدا ەسەپ اشىلعان جوق. «استانا» دوپقا كٶبٸرەك يەلٸك ەتتٸ. ۆەرەمكو قورعاعان قاقپانسىن ەلوردالىقتار 10 رەت نىساناعا الدى. بٸراق بٸردە-بٸرەۋٸ قاقپا تورىنان تابىلمادى. بٸرٸنشٸ تايمدا بەلارۋس كومانداسىنىڭ باستى جۇلدىزى الەكساندر گلەب جاراقات الىپ, ٶز ورنىن يۆانوۆيچ بوساتىپ بەردٸ.

ەكٸنشٸ تايمدا اگيم يبرايميدٸڭ ورنىنا ازات نۇرعاليەۆ شىقتى. ازاتتىڭ كٸرۋٸمەن «استانانىڭ» ويىنى جاڭدانا تٷستٸ. ماتچتىڭ 70-مينۋتىندا باتە قورعاۋشىلارىن قاتەلٸگٸن كابانانگا تيٸمدٸ پايدالانىپ كەتتٸ. ارادا 10 مينۋت ٶتكەندە باتە قاقپاشىسى ٶرەسەكەل قاتەلٸك جٸبەردٸ. بل مٷمكٸندٸكتٸ ازات نۇرعاليەۆ مٷلت جٸبەرمەدٸ. ەسەپ ­­– 2:0.

قارىمتا ويىن بٸر اپتادان كەيٸن بوريسوۆ قالاسىندا ٶتەدٸ.

بەك تٶلەۋوۆ, baq.kz