ÝEFA Eýropa ligasynyń toptyq kezeńge joldama beretin plei-off básekesinde «Astana» óz alańynda Belarýs eliniń BATE komandasyn utty.
Astana» bas bapkeri Stanimir Stoilov alǵashqy minýttan Nenad Erich, Abzal Beisebekov, Iýrii Logvinenko, Marin Anichich, Nemania Maksimovich, Roher Kanias, Serikjan Mujyqov, Patrik Tvýmasi, Djýnior Kabanangany shyǵardy. Osy jerde aita ketetin jait, Logvinenko ózine asa qolaily emes, sol qaptalda óner kórsetti. Biraq Iýrii senimdi aqtai bildi. Sebebi, «Astananyń» negizgi sol qaptaldaǵy qorǵaýshysy Dmitrii Shomko «Seltikpen» bolǵan oiynda qyzyl qaǵaz alǵan edi. Sondyqtan bul matchta komandasyna kómektese almady.
Alǵashqy taimda esep ashylǵan joq. «Astana» dopqa kóbirek ielik etti. Veremko qorǵaǵan qaqpansyn elordalyqtar 10 ret nysanaǵa aldy. Biraq birde-bireýi qaqpa torynan tabylmady. Birinshi taimda Belarýs komandasynyń basty juldyzy Aleksandr Gleb jaraqat alyp, óz ornyn Ivanovich bosatyp berdi.
Ekinshi taimda Agim Ibraimidiń ornyna Azat Nurǵaliev shyqty. Azattyń kirýimen «Astananyń» oiyny jańdana tústi. Matchtyń 70-minýtynda BATE qorǵaýshylaryn qateligin Kabananga tiimdi paidalanyp ketti. Arada 10 minýt ótkende BATE qaqpashysy óresekel qatelik jiberdi. Bl múmkindikti Azat Nurǵaliev múlt jibermedi. Esep – 2:0.
Qarymta oiyn bir aptadan keiin Borisov qalasynda ótedi.
Bek TÓLEÝOV, baq.kz
