استانا قالاسىنىڭ ەكٸمٸ ەسەت يسەكەشەۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا ەلورداداعى قوعامدىق كٶلٸكتەگٸ بيلەتتٸڭ قىمباتتاۋىنا قاتىستى پٸكٸرٸن بٸلدٸردٸ, دەپ حابارلايدى قازاقپارات تٸلشٸسٸ.
الدىمەن قالا باسشىسى جاقىندا قوعامدىق كٶلٸكتە بيلەت باعاسى قىمباتتايدى دەگەن سىبىسقا قاتىستى ويىن ايتتى.
«بٸردەن ايتايىن, بۇل كونتەكستتەن جۇلىنىپ الىنعان اقپارات. كٶپتەگەن باعدارلامالار بويىنشا قوعامدىق كەڭەستە تالقىلاۋلار جٷرگٸزٸلٸپ جاتقانى بەلگٸلٸ. تٸلشٸلەرگە دە بۇل رەتتە ەلەۋمەتتٸك جاۋاپكەرشٸلٸكتٸ تانىتۋدى سۇرار ەدٸم», - دەدٸ ەكٸم.
ونىڭ ايتۋىنشا, بٸرٸنشٸدەن قوعامدىق كٶلٸك جەدەل ٶسٸپ كەلە جاتقان مەگاپوليس ٷشٸن ەڭ ماڭىزدى مەسەلەلەردٸڭ بٸرٸ بولىپ تابىلادى.
«كٶپتەگەن تۇرعىنداردىڭ دا شاعىم ايتىپ جاتاتىنىن بٸلەسٸزدەر. رەتكە كەلتٸرەتٸن جۇمىستار بارشىلىق. ەكٸ جىل بۇرىن باعدارلامانى قولعا الىپ, بەلسەندٸ تٷردە اۆتوپاركتەردٸ جاڭارتىپ, سەرۆيستٸ جاقسارتۋ باعىتىندا جۇمىس جٷرگٸزۋدەمٸز. ساراپشىلاردىڭ باعالاۋىنشا, نەتيجە بار. باستى سۇراقتاردىڭ بٸرٸ - قارجىلىق مودەل. 2014 جىلدان بەرٸ تاريف كٶتەرٸلگەن جوق. ودان بەرٸ ەكٸ دەۆالۆاتسييا ٶتتٸ, جانار-جاعارمايدىڭ باعاسى قىمباتتادى. دەسە دە, تاريف بٸردە-بٸر مەرتە كٶتەرٸلمەگەن ەدٸ. بٸز قازٸر اۆتوپاركتەرمەن, كٶلٸكتٸك كومپانييالارمەن قارجىلىق مودەل تۋرالى تالقى ٶتكٸزٸپ جاتىرمىز. كٶپتەگەن ەلدەردە بۇل باعىتتا سۋبسيدييا بٶلٸنەتٸنٸ بەلگٸلٸ», - دەيدٸ ەسەت يسەكەشەۆ.
قالا باسشىسىنىڭ ايتۋىنا قاراعاندا, اۆتوپاركتەردٸڭ ۇسىنىستارى تىڭدالعان.
«ەلبەتتە, مەسليحاتتا سٶز بولعان ەسەپ ايىرىسۋ تاريفٸ - جول جٷرۋ قۇنىنىڭ ٶزٸندٸك قۇنى. ول ەسەپ ايىرىسۋ مەن سۋبسيدييا ٷشٸن ماڭىزدى. اۆتوپاركتەردٸڭ باعانى 300, 500 تەڭگەگە كٶتەرۋدٸ ۇسىنعانى بەلگٸلٸ. بٸراق, بٸز ەڭ مينيمۋمدى الدىق - ول 200 تەڭگە. بۇل ەسەپ ايىرىسۋ تاريفٸ جانار-جاعارمايدى ساتىپ الۋ مەن جۇمىسشىلاردىڭ ايلىعىن, اۆتوپاركتەردٸ جاڭارتۋدى قامتاماسىز ەتۋٸ كەرەك. بٸرٸنشٸ ساتىدا جاعدايدى تولىق تٷسٸنۋ ٷشٸن بٸز 200 تەڭگەنٸ بەلگٸلەدٸك», - دەدٸ ول.
ەكٸمنٸڭ ايتۋىنشا, قولما-قول اقشاسىز, كارتوچكامەن ەسەپ ايىرىسۋ - قالا ەكٸمدٸگٸ ٷشٸن باسىمدىق بولىپ تابىلادى.
«ەلبەتتە, بۇل سۇراق قوعامدىق كەڭەستە, ساراپشىلار كەڭەسٸندە تالقىلانىپ, مەسليحاتقا, ودان ارى ەكٸمدٸككە جولدانادى. سودان كەيٸن عانا شەشٸم قابىلدانادى. بٸراق بۇل تۋرالى اقپارات ەفيرگە بۇرىس كەتٸپ قالعاندىقتان, قازٸر ايتا كەتكٸم كەلەدٸ. بيىل بٸز كارتوچكا بويىنشا جول جٷرۋ قۇنىن كٶتەرۋدٸ كٶزدەپ وتىرعان جوقپىز. بۇرىنعىداي - 90 تەڭگە بولىپ قالادى. ونىڭ ٷستٸنە, ەكٸنشٸ اۆتوبۋسقا تەگٸن وتىرا الاتىنداي جاعدايدى جاساعان قالالاردىڭ بٸرٸمٸز. دەمەك, بٸر باعامەن ەكٸ-ٷش اۆتوبۋسقا مٸنسەڭٸز, اينالىپ كەلگەندە تاريف ەكٸ ەسەگە تٶمەن ەكەنٸن كٶرەسٸز. بٸراق, كارتوچكا ارقىلى تٶلەمەي, قولما-قول اقشامەن تٶلەگٸسٸ كەلەتٸن ادامدار ٷشٸن بٸز ديففەرەنتسييالدى تاريف - 180 تەڭگە ەتٸپ ەنگٸزەمٸز», - دەيدٸ ول.
يسەكەشەۆ وسى سەبەپتٸ كارتوچكا العان ادامعا تيٸمدٸ بولاتىنىن اتاپ ٶتتٸ.
«كارتوچكامەن تٶلەتۋ بٸز ٷشٸن نەلٸكتەن ماڭىزدى? ەگەر بارلىق ادامدار كارتوچكامەن تٶلەسە, بٸز تولىق جاعدايدى كٶرە الامىز. سودان كەيٸن تاريف بويىنشا شەشٸم قابىلدايمىز. ەگەر قالالىقتار جول جٷرۋ ٷشٸن 90 تەڭگە تٶلەيتٸن بولسا, قالا ەكٸمدٸگٸنەن جىل سايىن 15 ملرد تەڭگە بٶلٸنەدٸ. بٸراق, تاعى قايتالاپ ايتامىن, جىلدىڭ سوڭىنا دەيٸن قولما-قول اقشاسىز تٶلەۋ كەزٸندەگٸ جول جٷرۋ باعاسى قىمباتتامايدى», - دەپ تٷيدٸ يسەكەشۆ.
