اسلان قاجەنوۆ. ول ەشكٸمگە ۇقسامايدى, ۇقساعىسى دا كەلمەيدٸ. كٶپ ادامعا ۇنامايدى, ۇناعىسى دا جوق. كٶبٸنە جاقپايدى, جاعۋعا دا ىقىلاسسىز. ٶلەڭدەرٸ تىم «اشىق», اشىپ ايتادى بەرٸن. ەكٸۇشتى ويدا قالاسىز. جاستار تالاسا وقيدى. ال, ەدەبيەت سىنشىلارى پٸكٸر بٸلدٸرۋگە بەيٸلدٸ ەمەس. «تۋالەتتەگٸ تۋىندى», «قوقىس جەشٸگٸ» سەكٸلدٸ كٸتاپتارى جارىق كٶرگەن. جاقىندا «2000 تەڭگەنٸڭ كٸتابى» اتتى كەزەكتٸ تۋىندىسى شىقتى.
وسى ورايلا اسلاننىڭ بٸر توپ ٶلەڭٸن وقىرمان نازارىنا ۇسىنۋدى جٶن كٶردٸك. لايىقتى باعاسى ٶزدەرٸڭٸزدەن, قادٸرلٸ وقىرمان!..
اتى جوق ٶلەڭ 12
قييال-قىزىق.
اڭدىپ جٷرٸپ ەر ٸزدٸ,
قانات بايلاپ جٸبەرەدٸ ادامعا.
ٶمٸر بويى كٶرگٸم كەلگەن پاريجدٸ,
ال, مٸنەكەي, تۇرمىن «ەيفەل» الدىندا.
ي چيو?
مەن بۇل سەتتٸ كٷتكەن ەدٸم سونشاما,
قاراپايىم تەمٸر ەكەن كەستەلگەن.
تٷسٸنگەنٸم: قانشا كٷشتٸ بولسا دا,
بارلىق ارمان بٸتەدٸ تەك «يچيومەن».
قازٸر ونىڭ ايتىپ جاتام قايبٸرٸن,
ەششيو ەسكٸسٸ الماسۋدا جاڭامەن.
الماتىنىڭ بٸتٸرگٸم كەلد كازگۋ-ٸن,
ٷش ارمان دا ورىندالدى پاراللەلل.
ي چيو?
ودان كەيٸن قالاي توقتاپ قالامىن?
قۇلشىندىم كەپ جاقسى كٶلٸك مٸنۋگە.
اقىرىندا ساتىپ الدىم LADA-نى,
ەرينە, ول جاقسى ەمەس.
ەمەس شىعار كٶلٸك تە.
ي چيو?
سولاي بولدى ٷيلەنۋ دە, بالا دا,
وعان كەتكەن كرەديتتٸ دە قايتاردىم.
قالعانى تەك قوس بٶلمەلٸ باسپانا,
بٸراق, ونى العان سوڭ دا ايتامىن
ي چيو?
جەنە باسقا ارماندار دا كٶپ مەندە,
ەرقايسىسى ٶز كەزەگٸن كٷتەدٸ.
يچيولاۋمەن, يچيولاۋمەن جٷرگەندە
ٶمٸر دەگەن نەگٸزگٸ «ي چيو?» بٸتەدٸ.
ي ۆسيو!
تٸسشۇقىعىش ٶسەتٸن اعاش
ادام-قىزىق.
كەرەۋەتتە جاتىپ اپ,
قايداعىنى قييالداۋعا ۇيالماس.
«بالام ەنشٸ بولادى» دەيتٸندەر - اقىماق,
«بالام باسشى بولادى» دەيتٸندەر - قايامباس!
ٶيتكەنٸ, ٶزٸ تٷسٸپ سونىڭ سوڭىنان,
ٶمٸر بويى ٶتكەن ەدٸ ارمانداپ.
اقىرىندا تٷك تە كەلمەي قولىنان
ەندٸ «بالام بولادى» دەپ جۇباناد.
ال, بالانىڭ شاماسى بار نە دەۋگە?
اماناتتى ارقالاۋمەن جٷرەدٸ.
ەڭ سوڭىندا ول دا كەلٸپ ەلۋگە,
بەس جاستاعى بالاسىنا سەنەدٸ.
وسىلايشا ۋاقىتپەنەن ٶتپەلٸ
اعىپ جاتىر ٶمٸر دەگەن ٶزەندەر.
ەندٸ ۇقتىم,
بۇل ەشقاشان بٸتپەيدٸ,
لۋزەرلەردەن تۋىلادى لۋزەرلەر.
سوندىقتان دا تۋرا قازٸر توقتالماي,
تابۋ قيىن مەسەلەنٸڭ شەشٸمٸن.
بالا باسىن بوستان-بوسقا قاتىرماي,
ارمانىما ٶزٸم عانا جەتەمٸن!
ال, ول بوكستان ەلەم چەمپيونى بولادى.
ەسكەرتۋ: قايامباس – 2034 جىلى جاسالاتىن روبوت
قوقىس جەشٸگٸ
ەر ٷيدٸڭ سىنىق پەن ساسىعى,
ەر ٷيدٸڭ بوعى مەن بٶزگەيٸ:
ەر ٷيدٸڭ قوقىستىق جەشٸگٸ –
ەر ٷيدٸڭ تۇرمىستىق مۋزەيٸ.
مىسالى, بوراتىپ ٶسەكتٸ,
تٷنٸمەن ەسكە اپ جاس شاقتى.
بۇل ٷيدە ەدەمٸ كەش ٶتتٸ,
تورتتاردىڭ قالدىعىن تاستاپتى.
بۇل دەگەن لوگيكا ورنىقتى,
ورنىعار قوقىستى ەلەۋمەن.
بۇل ٷيدە بٸر جانجال بولىپتى,
ەينەكتٸڭ سىنىعى كٶپ ەكەن.
ەر تٷرلٸ تاريح قوي ەر ۇيا,
بەلگٸسٸ قوقىستا كٶنەرگەن.
ال, بۇل ٷي بالالى جانۇيا,
ويىنشىق سىنىعى كٶپ ەكەن.
جادىڭدا توقىساڭ مىنانى,
جايتتاردى كٶرەسٸڭ وقىس كٶپ.
ال, مۇندا ستۋدەنت تۇرادى,
سەبەبٸ, ەشقانداي قوقىس جوق.
كٶرشٸسٸ شەككەندەي كٷرەڭ زار,
ەيتەۋٸر, كٶڭٸلٸ تٷسٸپتٸ.
بۇل ٷيدە قايعىرعان بٸرەۋ بار,
ارزانداۋ اراقتى ٸشٸپتٸ.
ا, بۇل بٸزٸدٸڭ ٷي.
ويلارىم شىمشىلاپ تەنتەكتٸ,
جاناردى ەرٸكسٸز ەلەتەم.
بۇل ٷيدە اپەلسين كٶپ جەپتٸ,
اپەلسين قابىعى كٶپ ەكەن.
ال, مىنا بٸر ٷيدە كٶرٸكتٸ,
تۇرادى قىلمىسكەر كٸسٸڭ دە.
بٸر سەبي تۋىلماي ٶلٸپتٸ,
تاستالعان مٷشەقاپ ٸشٸندە.
ەر ٷيدٸڭ سىنىق پەن ساسىعى,
ەر ٷيدٸڭ بوعى مەن بٶزگەيٸ:
ەر ٷيدٸڭ قوقىستىق جەشٸگٸ –
ەر ٷيدٸڭ تۇرمىستىق مۋزەيٸ.
وسىنداي, بولساڭ سەن ارالار,
وسىنداي رۋحاني مٷسٸندە.
قوقىستىق جەشٸك كٶپ قالا بار,
قوقىستىق جەشٸكتٸڭ ٸشٸندە.
تۋالەتتەگٸ تۋىندى
جانارىممەن جاناپ ٶتٸپ جۇقالى,
نامىسىمنىڭ وتى لەزدە تۇتاندى.
تۋىسىمنىڭ تۋالەتٸ ٸشٸندە
جاتىر ەكەن بٸر اقىننىڭ كٸتابى.
جاتىر كٸتاپ. بۇل نە دەگەن سۇمدىق ٸس?!
باستى سودان كٶڭٸلٸمدٸ مۇڭدى مىس.
بٸر بۇرىشتان بۇيىرىلماي بٸر ورىن,
بۇل ورىننان بۇيىرعان با بٸر بۇرىش?
قالاي ەندٸ اشۋىمدى تىيارمىن?
قور بولعانىن كٶرٸپ ۇشقىر قييالدىڭ.
تۋالەتتە تۇرعان تۇڭعىش جىر كٶرٸپ,
تۋالەتە تۇرىپ تۇڭعىش ۇيالدىم.
ۇيالدىم دا تٷسٸپ كەتتٸم سۇم كٷيگە,
ٶگەي قىلىق ٶزەگٸمدٸ ٶرتەۋدە.
كٶزدٸڭ جاسىن سٷرتەتۇعىن جىرلارمەن
اقىماقتار جامباستارىن سٷرتۋدە.
باسقا, باسقا, بولادى ما بٷيتۋگە?
دەپ شىدامىم ٶز شەگٸنە جەتۋدە.
حالىق مۇڭىن شاياتۇعىن شىندىقتى
ۋنيتازدىڭ سۋى شايىپ كەتۋدە.
كەتٸپ جاتىر, كەتٸپ جاتىر قاپ پاراق,
قاپ پاراقتار ٶمٸرٸ ونىڭ ناقتىراق.
اقىن دەگەن قاتتى سورلى بولعانمەن,
مىناۋ اقىن سورلى ەكەن قاتتىراق.
ول بايعۇستىڭ جانى سولاي قۋاردى,
قۋارتقاننىڭ ايىپتارىن جۋار كٸم?
كٸتابى بار بولعانىنا ٶكٸنٸپ,
كٸتابىم جوق بولعانىنا قۋاندىم.
(قازٸر ەندٸ بار عوي, ٶكٸنٸشكە وراي)
تەمەكٸنٸڭ تۇقىلى
- تۇرساڭشى ەرتەرەك. جەكسەنبٸ بٷگٸن.
- جۇما ەدٸ عوي كەشە شە?
- كٷن باتقاندا باستالادى بٷگٸن دەگەنٸڭ.
- ەە, جۇمىس كٶپ ەندەشە.
- بازاردان تاماق ەكەلۋ كەرەك
- ۋجە ەكەلٸنٸپ تۇر دەپ ويلا.
- نەسيەنٸ ۋاقىتىلى قايتارۋ كەرەك
- ۋجە قايتارىلىپتى دەپ ويلا.
- تۋىستار قوناققا شاقىردى
- وعان دا ۋجە دەپ بارىپ كەلەمٸز قينالما.
- ەركەكتٸك مٸندەتٸڭ تاعى بار
- ول - ەڭ قيىنى. پوكا تٷك ويلاما!
- كٸلەمنٸڭ شاڭى بەس ەلٸ
- ۋجە قاعىپ جاتىر دەپ ويلا.
- سالونعا جٸبەرەم دەپ ەدٸڭ
- ۋجە بالانى باعىپ وتىر دەپ ويلا.
- تٷسپەپتٸ ەلٸ دوللار باعامى
- ۋجە ونى دا بولعىزدى دەپ ويلا.
- 8-شٸ نۋرىز جاقىنداپ قالدى
- بەرٸ كەرەمەت ٶتتٸ. ۋجە 9-ى دەپ ويلا.
- قالايشا? ول كٷنٸ جاقسىلاپ دەمالتام دەپ ەڭ,
- ۋجە بۋرابايدان قايتىپ كەلدٸك دەپ ويلا.
- ماڭدايعا جازىلعان سورىم بولدىڭ سەن
- ۋجە قۇدايدى سوتقا بەردٸك دەپ ويلا.
- جارايدى, ال, ويلايىن!
- و, ەندٸ كٸشكەنە ۇيىقتاپ الايىن.
اجالچيك
ٶلەڭ نەگە باستالادى وسىلاي?
سوسىن نەگە جالعاسادى وسىلاي?
سوسىن نەگە جالعاسادى وسىلاي?
سوسىن نەگە شۋماق بٸتەد وسىلاي?
سوسىن نەگە بولاد شۋماق ەكٸنشٸ?
نەگە ەمەس بەسٸنشٸ نە جەتٸنشٸ?
بۇنىڭ بەرٸن ويلاپ تاپقان كٸم ەكەن?
سول قۇرىپ كەتسٸنشٸ!
سٶزدەر نەگە بولۋ كەرەك كٸل تەكتٸ?
سٶزدەر نەگە بولماۋ كەرەك بٸركەلكٸ?
ۇيقاس دەگەن نەگە مۇندا مٸندەتتٸ?
نەگە وسىلاي بولمايدى ۇيقاسسىز?
نەگە ويلار جٷيەلەنٸپ تۇرادى?
«اسپان دەگەن اسقاباقتىڭ تۇراعى».
بۋىن نەگە ساقتالادى ٶلەڭدە?
ونى ساقتاماي, ويىڭدى ەركٸن جەتكٸزۋ ٷشٸن
بارلىق سٶزدەردٸ جازسا نە بولادى?
(رەسمي تىيىم سالىنعان جوق قوي!)
سوسىن نەگە جالعاسادى وسىلاي?
سوسىن نەگە جالعاسادى وسىلاي?
سوسىن نەگە جالعاسادى وسىلاي?
سوسىن نەگە بٸتۋ كەرەك وسىلاي?
نەمەسە وسىلاي?
مۋلتفيلم
دٷكەندەگٸ ەۋرەشٸلٸك باياعى,
ساۋداگەر تۇر بٸلمەي نەنٸ ساتقانىن.
ول 5 مىڭدى ارتىعىمەن قايتاردى,
ال, مەن ونىڭ ارتىقتىعىن ايتپادىم.
ەندٸ نە بولار ەكەن?
وسى ويمەن تٷسٸپ جٷرگەم ٷرەيگە,
بٸر قايىرشى شىعا كەلدٸ الدىمنان.
قۇداي ونى جٸبەرگەنٸن بٸلدٸم دە
بٸلمەگەن بوپ ٶتە شىقتىم قاسىنان.
ەندٸ نە بولار ەكەن?
جٷرۋٸم-اق كەرەك ەدٸ جٶنٸمەن,
ارام اقشا وڭدىرماس ەش ۋاقىتتا.
جارتىسىنا بەنزين قۇيىپ كٶرٸپ ەم,
جول اپاتى جولىقپادى بٸراق تا.
ەندٸ نە بولار ەكەن?
قورىقسام دا قانشا ٶزٸم ٶزٸمنەن,
بٸر بٶلٸگٸن تٷسكٸ اسقا تٶلەدٸم.
كٷتتٸم سوسىن شىققاندىعىن جەلكەمنەن,
جوق, ەدەتكٸ شىعىپ كەتتٸ جەرٸنەن.
ەندٸ نە بولار ەكەن?
ازداۋ اقشا قوسىپ قالعان قارجىعا,
جەرمەڭكەدەن ساتىپ الدىم كٶپ تەتتٸ.
سەيكەسٸنشە, بالا مەز بوپ قالدى دا,
ال, ەيەلٸم وعان, تٸپتەن, باقىتتى.
كوروچە, ەشتەڭە بولمايدى ەكەن.
اتى جوق ٶلەڭ 3
اتا, كەيٸن بۇل ٶلەڭدٸ وقىرسىڭ,
وقىعان سوڭ, ويلان داعى ٶكٸن شىن.
جاس كەزٸڭدە جەتٸ بالا تۋدىرىپ,
قارتايعاندا جالعىز ٶزٸڭ وتىرسىڭ.
جالعىز قالۋ, ەرينە, ول جامان-دى,
ال, ۇلدارىڭ بٸلمەيدٸ عوي قاراۋدى.
جەتٸ بٸردەي ازاماتتى ٶسٸرٸپ,
بٸراق, بٸر دە ٶسٸرمەپسٸڭ ادامدى.
ولار ەندٸ سەنٸ باعىپ كٷتپەيدٸ,
ولار ەندٸ ساعان باسىن بٷكپەيدٸ.
ولار ەندٸ اۋىزىڭا سۋ قۇيىپ,
ولار ەندٸ سٸدٸگٸڭدٸ تٶكپەيدٸ.
بۇرىن ٶزٸڭ تەلٸم بەرمەي سونداي-دى,
ەندٸ قازٸر شەگٸپ جاتسىڭ زور قايعى.
ساۋلىعىڭدى سۇراۋ بىلاي تۇرسىنشى,
ولار قازٸر سەلەمٸڭدٸ المايدى.
جاراتقاننان سونشا بالا سۇراپ ەڭ,
قالىڭ سوردى قوسىپ بەردٸ سولارمەن.
ەندٸ ۇلدارىڭ تاس جٷرەكتٸ تۇلعالار,
ال, نەمەرەڭ مەندەي ىلعي بلوندين.
شاعىڭ ەدٸ شاتقا شومىپ كٷس كەۋدە,
باق-دەۋلەتتەن بٸر بٶلٸكتٸ تٸستەر دە.
اجالىڭدى كٷتٸپ جٷرسٸڭ ەندٸ سەن,
اجالىڭدى كٷتٸپ جٷرمٸز بٸزدەر دە.
ەسٸل تەلٸم سانالارعا ەش قونباي,
بٸر-بٸرٸمەن قازٸر ولار قاسىنداي.
جەك كٶرمەسە نەمەرەڭٸز وسىنشا
جەك كٶرەتٸن جىر جازا ما وسىنداي?!
سونى ايتىپ كٶپٸرۋدە ۇرتىمىز,
بٸراق, تۋعان اتاما ەمەس بۇل سىبىس.
قارتايعاندا ماعان سولاي ايتىڭدار,
قارتايعاندا ماعان سولاي ۇرسىڭىز.
ەي, مەنٸڭ نەمەرەلەرٸم!
