فوتو: ortcom.kz
بٷگٸن پرەزيدەنت جولداۋىندادا ەرەكشە نازار اۋدارىلعان سالالاردىڭ بٸرٸ – بٸلٸم. مەملەكەت باسشىسى جاساندى ينتەللەكتٸنٸ مەڭگەرۋ مەكتەپ قابىرعاسىنان باستالۋى قاجەت ەكەنٸن ناقتى اتاپ ٶتتٸ. وسى ورايدا Ult.kz تٸلشٸسٸ دەپۋتات اسحات ايماعامبەتوۆتەن جاساندى ينتەللەكتٸنٸڭ بٸلٸم سالاسىنا ىقپالى تۋرالى سۇرادى.
جاساندى ينتەللەكت بٷگٸندە تەك مەديتسينا, بٸلٸم نەمەسە عىلىم سالاسىمەن عانا شەكتەلمەيدٸ. ونىڭ ەسەرٸ لوگيستيكادان باستاپ, ەلەۋمەتتٸك جٷيەگە, زەينەتاقى مەن ەكونوميكالىق پروتسەستەرگە دەيٸن جەتٸپ وتىر. بۇل تۋرالى مەجٸلٸس دەپۋتاتى اسحات ايماعامبەتوۆ ايتتى.
– بالالارىمىز 2023 جىلدان بەرٸ جاساندى ينتەللەكتٸنٸ كٷندەلٸكتٸ ٶمٸردە پايدالانىپ جٷر. تٸپتٸ ٷي تاپسىرماسىن ورىنداۋدا جيٸ قولدانادى. الايدا شامادان تىس نەمەسە دۇرىس قولدانباۋدىڭ سالدارىنان كەي وقۋشىلار قاراپايىم سۇراقتارعا جاۋاپ بەرۋدە قينالىپ جٷر. سوندىقتان ەڭ ەۋەلٸ بٸز جاساندى ينتەللەكتٸنٸ قالاي تيٸمدٸ پايدالانۋ كەرەگٸن ٷيرەتۋٸمٸز قاجەت, – دەدٸ دەپۋتات.
ايماعامبەتوۆتٸڭ ايتۋىنشا, جاساندى ينتەللەكت – ادام ەمەس, تەك جٷيە. ول بەرٸلگەن دەرەككە سٷيەنٸپ تۇجىرىم جاسايدى. سوندىقتان وعان تولىقتاي سەنۋگە بولمايدى, اقپاراتتى سىني تۇرعىدان باعالاي بٸلۋ – باستى تالاپ.
– جاساندى ينتەللەكت دەۋٸرٸندە وقۋ ساۋاتتىلىعى ەرەكشە ماڭىزعا يە. بۇل تەك مەتٸندٸ تەز وقي سالۋ ەمەس, وقىعاندى تەرەڭ تٷسٸنۋ. بٷگٸندە كٶپتەگەن وقۋشىلار اقپاراتتى قابىلداۋدا قينالادى. مۇنداي جاعدايدا وقۋ ساۋاتتىلىعىن دامىتۋ – نەگٸزگٸ مٸندەت, – دەدٸ ول.
دەپۋتاتتىڭ پٸكٸرٸنشە, باعالاۋ جٷيەسٸنٸڭ ٶزٸ ٶزگەرەدٸ. نەتيجەگە ەمەس, وقۋشىنىڭ تاپسىرمانى ورىنداۋ پروتسەسٸنە, ويلاۋ قابٸلەتٸنە باسىمدىق بەرٸلۋٸ تيٸس. سونداي-اق وقۋلىقتار, ٷي تاپسىرمالارى, مۇعالٸمدەردٸڭ رٶلٸ دە جاڭاشا سيپات الادى.
– «جاساندى ينتەللەكت مۇعالٸمدەردٸ الماستىرادى» دەگەن پٸكٸر قاتە. كەرٸسٸنشە, جاڭا دەۋٸردە بٸلٸم بەرۋشٸلەردٸڭ ماڭىزى ارتا تٷسەدٸ. بٸراق ولاردان جاڭا تالاپتار كٷتٸلەدٸ: جاساندى ينتەللەكتٸنٸ دۇرىس قولدانا الاتىن, ونى وقىتۋ پروتسەسٸنە تيٸمدٸ ەنگٸزە بٸلەتٸن, بالالاردى سىني ويلاۋعا جەتەلەيتٸن مۇعالٸمدەر قاجەت, – دەدٸ اسحات ايماعامبەتوۆ.
