قر بٸلٸم جەنە عىلىم مينيسترٸ اسحات ايماعامبەتوۆتٸڭ اتا-انالارعا جازعان حاتى جارييا بولدى, دەپ حابارلايدى "ۇلت اقپارات".
«قۇرمەتتٸ اتا-انالار! بالالارىمىزدىڭ كٶكتەمگٸ كانيكۋلى 16 ناۋرىزدا باستالدى. قازٸرگٸ كەزدە اتا-انالاردىڭ باسىم بٶلٸگٸ ٷيدە جەنە بالالارعا 21 كٷنگە سوزىلاتىن دەمالىستى قىزىقتى ەرٸ پايدالى ٶتكٸزۋگە كٶمەكتەسە الادى. مەنٸڭ ۇلىم – تٶرتٸنشٸ سىنىپ وقۋشىسى. ٶزٸ كٸتاپ وقىعاندى جاقسى كٶرەدٸ. مىسالى, وقۋ جىلى باستالعالى «روبينزون كرۋزو», «توم سويەردٸڭ باستان كەشكەن وقيعالارى», «مەنٸڭ اتىم قوجا», «كٶشپەندٸلەر» تريلوگيياسى كٸتاپتارىن بٸرگە وقىپ شىقتىق. سٷيٸكتٸ كٸتابىمىز – «كاپيتان گرانتتىڭ بالالارى». سونداي-اق ەجەلگٸ گرەك جەنە مىسىر ميفتەرٸ مەن اڭىزدارىن قىزىعا وقىپ شىقتىق. اتا-انالاردىڭ بالالاردى كٸتاپ وقۋعا باۋلىعانى ٶتە ماڭىزدى. ەگەر بالا سٸزدٸڭ كٸتاپ وقىپ وتىرعانىڭىزدى جيٸ بايقايتىن بولسا, ٶزٸ دە قولىنا كٸتاپ الاتىن بولادى», - دەدٸ مينيستر حاتىندا.
ول بالا كەزٸندە عىلىمي فانتاستيكا جانرىندا جازىلعان تۋىندىلاردى ۇناتقانىن, ايزەك ازيموۆ, رەي برەدبەري, اعايىندى سترۋگاتسكييلەر, كليففورد سايماك جەنە روبەرت حاينلايننىڭ ەڭبەكتەرٸ قييالىن وياتقانىن اتاپ ٶتەدٸ.
«وسى اۆتورلاردىڭ تۋىندىلارىن وقىپ, كٷنٸ بويى حيكايالاردىڭ مازمۇنىن ويلاپ جٷرۋشٸ ەدٸم. وسىلايشا, ەسەيە كەلە, عىلىمي ەدەبيەتتەرگە دەگەن قىزىعۋشىلىعىم ارتتى. سوندىقتان, بالالاردى وسى جانرعا باۋلۋ ٶتە ماڭىزدى دەپ ويلايمىن. بالا كٷندە وقىعان سٷيٸكتٸ تۋىندىلارىڭىزدى بالالارىڭىزعا ۇسىنىپ كٶرٸڭٸزدەر. ەڭ باستىسى, بالا ٷيدە كٸتاپتى نەعۇرلىم كٶپ وقيتىن بولسا, مەكتەپ باعدارلاماسىن سوعۇرلىم جەڭٸل مەڭگەرەتٸنٸن ۇمىتپاڭىزدار», - دەدٸ اسحات ايماعامبەتوۆ.
مينيستر ٶز حاتىندا كٸتاپ وقۋدان بٶلەك, وتباسىمەن تانىمدىق ۆيدەولار قاراۋعا بولاتىنىن ايتادى.
«مىسالى, ۆيدەوساباقتاردى, ترەنينگتەر مەن عىلىمي تەجٸريبەلەردٸ, TED-كونفەرەنتسييالارىن جەنە باسقالاردى بٸزدٸڭ مينيسترلٸكتٸڭ سايتىنان بٸلٸم بەرۋ رەسۋرستارىنىڭ تٸزٸمٸن تابا الاسىزدار. ايتپاقشى, قازٸرگٸ كەزەڭدە بٸلٸم بەرۋگە باعىتتالعان سايتتاردى پايدالانۋ بارىسىندا ترافيك ەسەپتەلمەيدٸ, ياعني تەگٸن بولادى. ول ٷشٸن بٸز ينتەرنەت پروۆايدەرلەرٸمەن كەلٸسٸم ورناتتىق. بۇل قوسىمشا بٸلٸم بەرۋ ورتالىقتارى, كۋرستار مەن سەكتسييالار جۇمىسىن توقتاتقان كەزەڭدە ٶتە ىڭعايلى بولماق. سونداي-اق, بۇل – بالالاردى ونلاين-فورماتتا بٸلٸم الۋعا يكەمدەۋگە جاقسى مٷمكٸندٸك, بولاشاقتا پايداسى تيەتٸنٸ دە سٶزسٸز», - دەدٸ ول.
بٸلٸم مينيسترٸ اتا-انالاردىڭ باسىم بٶلٸگٸ كانيكۋل اياقتالعان سوڭ وقۋ پروتسەسٸ قالاي ۇيىمداستىرىلاتىنىن ۋايىمداپ جٷرگەنٸن بٸلەتٸنٸن اتاپ ٶتەدٸ.
«قازٸرگٸ ۋاقىتتا وقۋدى قاشىقتان جٷرگٸزۋگە كٶمەكتەسەتٸن اقپاراتتىق جٷيەلەردٸ دايىنداپ, تەستٸلەۋدەمٸز. كەيبٸر ساباقتاردى تەلەارنالار ارقىلى ٶتكٸزۋگە بولادى. بۇل فورمات بٸزدٸڭ وقۋشىلار مەن ۇستازدار ٷشٸن ٷيرەنشٸكتٸ ەمەس, سوندىقتان پەداگوگتەردٸڭ جۇمىسىنا تٷسٸنٸستٸكپەن جەنە قۇرمەتپەن قاراۋلارىڭىزدى سۇرايمىن. ولار وقۋشىلارىن ساعىندى جەنە مەكتەپكە كەلەر سەتٸن اسىعا كٷتۋدە. بۇل – مينيستردٸڭ ەمەس, جاعدايعا بايلانىستى بالالارىمىزدا كەنەتتەن پايدا بولعان بوس ۋاقىتتى تيٸمدٸ ٶتكٸزۋدٸ جەنە وسى كەزەڭ بٸزدٸ بالالارىمىزبەن جاقىنداستىرا تٷسۋدٸ قالايتىن ەكەنٸڭ ۇسىنىستارى عانا. بالاپاندارىمىزدىڭ باقىتتى بولۋى بٸز بەن سٸزگە تٸكەلەي بايلانىستى. ٶزٸڭٸز بەن جاقىندارىڭىز امان بولعاي!», - دەدٸ اسحات ايماعامبەتوۆ.
