قازاقستاندا زەينەتتەگٸ ەسكەري قىزمەتشٸلەرگە جەتكٸلٸكتٸ شەككە قاراماستان, زەينەتاقى جيناعىنىڭ جارتىسىن مەرزٸمٸنەن بۇرىن پايدالانۋعا رۇقسات ەتٸلدٸ. بۇل تۋرالى قورعانىس مينيسترلٸگٸ زەينەتاقىمەن قامسىزداندىرۋ ورتالىعىنىڭ باستىعى قايىرجان بيمولدين ايتتى, - دەپ حابارلايدى Tengrinews.kz اگەنتتٸگٸ.
زەينەتاقى زاڭناماسىندا بولعان نەگٸزگٸ ٶزگەرٸستەر - ەسكەري قىزمەتشٸلەردٸڭ مەملەكەتتٸك بيۋدجەت ەسەبٸنەن ورتاق زەينەتاقىعا كٶشۋٸ. بيمولديننٸڭ ايتۋىنشا, بۇرىن بۇل جيناقتاۋشى جٷيە ەسەبٸنەن جٷزەگە اسىرىلعان.
"بىلتىر زەينەتاقى جيناعىن پايدالانۋ بويىنشا جٷرگٸزٸلٸپ جاتقان جۇمىس اياسىندا ەسكەري زەينەتكەرلەرگە زەينەتاقى جيناعىنىڭ قالدىقتارىن جەتكٸلٸكتٸ شەككە قاراماستان, 50 پايىز مٶلشەرٸندە پايدالانۋ قۇقىعى بەرٸلدٸ. ەسكەري قىزمەتشٸنٸڭ ٷش ميلليون جيناعى بولسا, وندا ول بٸر جارىم ميلليوندى مەملەكەت كٶزدەگەن باعىتتارعا پايدالانۋعا قۇقىلى", - دەدٸ بيمولدين.
