سۋرەت: اشىق دەرەككٶز
بيىلعى جىلى ەسكەري پروكۋراتۋرا ورگاندارىنىڭ بەلسەندٸ جۇمىسىنىڭ نەتيجەسٸندە سوماسى 6 ميلليارد تەڭگەدەن استام مٷلٸك مەملەكەتكە قايتارىلدى, دەپ حابارلايدى "ۇلت اقپارات" باس ەسكەري پروكۋراتۋراسىنىڭ باسپاسٶز قىزمەتٸنە سٸلتەمە جاساپ.
اتاپ ايتقاندا, باس ەسكەري پروكۋروردىڭ تالابى بويىنشا جوعارعى سوتپەن قۇنى 5 ميلليارد تەڭگەدەن اساتىن قورعانىس مينيسترلٸگٸنٸڭ قورعانىس نىسانى قايتارىلدى.
الماتى قالاسىندا كٶلەمٸ 16 مىڭ شارشى مەتردەن اساتىن 10 قويمادان, 2 ەكٸمشٸلٸك عيماراتتان, 2 ٶندٸرٸستٸك تسەحتان تۇراتىن مٷلٸكتٸك كەشەن 20 جىل بويى جەكە تۇلعانىڭ سەنٸمگەرلٸك باسقارۋىندا بولعان.
قازٸرگٸ ۋاقىتتا قايتا تٸركەۋ رەسٸمٸ جٷرٸپ جاتىر, ودان كەيٸن نىسان قورعانىس قاجەتتٸلٸكتەرٸ ٷشٸن پايدالانىلادى.
سونداي-اق, قاداعالاۋ اكتٸلەرٸ بويىنشا قۇنى 180 ميلليون تەڭگە بولاتىن 22 جەر تەلٸمٸ ارميياعا قايتارىلدى.
سونىمەن قاتار, 25 جىلدان استام زاڭسىز يەلٸكتە بولعان, جالپى قۇنى 400 ميلليون تەڭگەنٸ قۇرايتىن 200-دەن استام قىزمەتتٸك پەتەر مەملەكەت بالانسىنا قويىلىپ, ولار تۇرعىن ٷيگە مۇقتاج ەسكەري قىزمەتشٸلەرگە تاراتىلادى.
