ەندٸ ەسكەري قىزمەتكەرلەر مەن ارنايى مەملەكەتتٸك ورگان قىزمەتكەرلەرٸنە باسپانا ساتىپ الۋ ٷشٸن بايقاۋعا قاتىسىپ, ونىڭ قورىتىندىسىن كٷتۋدٸڭ قاجەتٸ جوق.
باسپانا الۋ شارتتارى
2019 جىلدىڭ 2 مامىرىنان باستاپ تۇرعىن ٷي تٶلەمٸن الۋشىلارعا نەسيە بٸرىڭعاي شارت بويىنشا بەرٸلەدٸ. ياعني, قارىز سوماسىنىڭ 15%-نە جەتەتٸن ەڭ تٶمەنگٸ باستاپقى جارناسى بار سالىمشىلار نەسيەنٸ 8% جىلدىق مٶلشەرلەمەمەن الادى, دەپ حابارلادى تقجب باسپاسٶز قىزمەتٸ.
باسپانا تاڭداۋ كەزٸندە ەشقانداي شەكتەۋ قويىلمايدى. نەسيەنٸ جاڭا ٷيدەن دايىن پەتەر ساتىپ الۋعا, ٷلەستٸك قۇرىلىسقا سالۋعا نەمەسە قولدانىستا بولعان باسپانا ساتىپ الۋ ٷشٸن جۇمساۋعا بولادى. تۇرعىن ٷيدٸ ساتىپ الۋ كەزٸندە قارىز سوماسىنا پەتەردٸڭ ٸشكٸ جٶندەۋ جۇمىستارىن جٷرگٸزۋگە جۇمسالاتىن شىعىندى قوسۋعا بولادى. جاڭا باعدارلاماعا جەكە پەتەرٸ بار, بٸراق ٶز ۆەدومستۆوسى بويىنشا تۇرعىن ٷي كەزەگٸندە تۇرعان ەسكەري قىزمەتكەرلەر دە قاتىسا الادى.
"جاڭارتىلعان شارتتارعا ساي, 16 ميلليون تەڭگە بولاتىن العاشقى نەسيە تالدىقورعاندىق ەسكەري قىزمەتكەرگە بەرٸلدٸ. ول بۇعان دەيٸن اتا-اناسىمەن بٸرگە تۇرعان بولاتىن. ەندٸ وتباسىمەن جاڭا ٷيدەگٸ تٶرت بٶلمەلٸ كەڭ پەتەرگە كٶشەدٸ. بٸزدٸڭ بولجامعا سەيكەس, وسى جىلى قونىس تويىن 4 مىڭ ەسكەري قىزمەتكەر اتاپ ٶتەتٸن بولادى. ولارعا نەسيە بەرۋ ٷشٸن بانك تاراپىنان 59 ميلليارد تەڭگە بٶلٸندٸ", - دەدٸ تۇرعىن ٷي قۇرىلىس جيناق بانكٸنٸڭ باسقارما تٶرايىمى لەززات يبراگيموۆا.
نەسيە سوماسى قالاي ەسەپتەلەدٸ?
ونىڭ ايتۋىنشا, "ەسكەري ٶنٸم" بويىنشا نەسيە سوماسى ەلٸمٸزدٸڭ ايماقتارى مەن وتباسى مٷشەلەرٸنٸڭ سانى بويىنشا ەسەپتەلٸنەدٸ. وتباسى نەعۇرلىم ٷلكەن بولسا, تۇرعىن ٷي دە سوعۇرلىم كەڭ بولادى. ال ەلٸ دە ٶز وتباسىن قۇرماعان ەسكەري قىزمەتكەرلەر ٷشٸن بانك ٶكٸلدەرٸ شوتتا قاراجات جيناۋعا كەڭەس بەرەدٸ. الداعى ۋاقىتتا 3,5-5% جىلدىق مٶلشەرلەمەمەن قارىز الۋعا بولادى.
ايتا كەتسەك, ٶتكەن جىلى ەسكەري قىزمەتكەرلەردٸڭ تۇرعىن ٷي تٶلەمدەرٸن پايدالانۋ مەحانيزمٸ ٶزگەرگەن بولاتىن. ەندٸ ولار اقشانى جالعا العان پەتەرگە تٶلەمەي, ٶزٸنٸڭ جەكە باسپاناسىن ساتىپ الۋعا جۇمساي الادى. تۇرعىن ٷي قۇرىلىس جيناق بانكٸ 2025 جىلعا دەيٸنگٸ جەكە تۇرعىن ٷي باعدارلاماسىن ەزٸرلەدٸ. ٶتكەن جىلدىڭ قىركٷيەك ايىنان باستاپ "ەسكەري ٶنٸم" باعدارلاماسىنا 2 500 ادام قاتىسقان. تاعى 70 مىڭ ەسكەري تۇرعىن ٷي قۇرىلىس جيناق بانكٸندە شوت اشىپ, قاراجات جيناۋدا.
ەسكەري قىزمەتكەرلەردٸڭ جيناقتارى بيۋدجەت ەسەبٸنە الىنبايدى. ەكٸنشٸ دەڭگەيلٸ بانك ۋاقىتىلى تٶلەنبەگەن بەرەشەكتەردٸ دە بۇل شوتتان الا المايدى.
بانك ٶكٸلدەرٸ ٶتكەن جىلى Askeri.baspana.kz پورتالى ارقىلى باعدارلاماعا قاتىسۋعا ٶتٸنٸش بەرگەندەردٸڭ نە ٸستەيتٸنٸن تٷسٸندٸردٸ. ولار ٶتٸنٸمدٸ بۇرىنعى شارتتار بويىنشا, ياعني, 2019 جىلدىڭ 30 قىركٷيەگٸنە دەيٸن تاپسىرۋلارىنا بولادى.
