تٷركٸستان وبلىسىنىڭ ەسكەري بٶلٸمٸنەن قارۋ-جاراقتاردى ۇرلاپ قاشقان ەسكەري قىزمەتشٸنٸڭ تٶرتٸنشٸ سىبايلاسى ۇستالدى. سونداي-اق ۇرلانعان قارۋ تولىق كٶلەمدە تابىلدى, دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
«بٷگٸن قر ٸشكٸ ٸستەر مينيسترلٸگٸ مەن ۇلتتىق قاۋٸپسٸزدٸك كوميتەتٸ قىزمەتكەرلەرٸنٸڭ جەدەل-تەرگەۋ توبى ەسكەري بٶلٸمنەن قارۋ ۇرلاعان كٸشٸ سەرجانت ا. بالعىنبايدىڭ تٶرتٸنشٸ سىبايلاسىن ۇستادى.
ەر ادام پوليتسييادان تانىسىنىڭ ٷيٸندە جاسىرىنىپ جٷرگەن. ودان ەسكەري بٶلٸمنەن ۇرلانعان ەكٸ «ماكاروۆ» تاپانشاسى مەن تراۆماتيكالىق تاپانشا تەركٸلەندٸ.
بۇعان دەيٸن ۆەدومستۆوارالىق توپ قىزمەتكەرلەرٸ ەسكەري قىزمەتشٸدەن اتىس قارۋىن ساتىپ العان ونىڭ ٷش دوسىن ۇستاعان بولاتىن.
قىلمىس جاساعاننان كەيٸن بارلىق كٷدٸكتٸلەر بٶلٸنٸپ, پوليتسييادان جاسىرىنىپ جٷرگەن. سوندىقتان ۇستاۋ بٸرنەشە ايماقتا: الماتى, شىمكەنت جەنە تٷركٸستان وبلىستارىندا جٷرگٸزٸلدٸ. جەدەل-ٸزدەستٸرۋ ٸس-شارالارى بارىسىندا قىلمىسقا قاتىسى بار بارلىق ادامداردى انىقتاپ, ۇستاۋ عانا ەمەس, سونداي-اق ولار ۇرلانعان بارلىق قارۋدى تەركٸلەۋگە مٷمكٸندٸك تۋدى. بۇل - 29 «كالاشنيكوۆ» اۆتوماتى جەنە 28 «ماكاروۆ» تاپانشاسى, تراۆماتيكالىق تاپانشا جەنە 2 دانا پىشاق. بٷگٸنگٸ تاڭدا قارۋدى قىلمىستىق ماقساتتا پايدالانۋ قاۋپٸ جوق دەپ سەنٸممەن ايتۋعا بولادى», - دەلٸنگەن اقپاراتتا.
اتاپ ٶتٸلگەندەي, قىلمىستىق ٸستەر بويىنشا كٷدٸكتٸلەر رەتٸندە جالپى العاندا 8 ادام جاۋاپكەرشٸلٸككە تارتىلۋدا: تٶرت ەسكەري قىزمەتشٸ (سونىڭ ٸشٸندە ديۆيزيون كومانديرٸ) جەنە ا. بالعىنبايدىڭ سىبايلاستارى – تٶرت ازاماتتىق تۇلعا.
قر ٸٸم تەرگەۋ دەپارتامەنتٸنٸڭ ەسكەري-تەرگەۋ باسقارماسى سوتقا دەيٸنگٸ تەرگەۋدٸ جالعاستىرۋدا.
ەستەرٸڭٸزگە سالا كەتسەك, 20 اقپان كٷنٸ تٷركٸستان وبلىسىندا ەۋە قورعانىسى كٷشتەرٸنٸڭ ەسكەري بٶلٸمشەسٸندە كەلٸسٸمشارت بويىنشا قىزمەت ەتٸپ جٷرگەن كٸشٸ سەرجانت ا.بالعىنباي كەزەكشٸلٸكتٸ ٶز بەتٸمەن تاستاپ شىعىپ, بٸراز قارۋ-جاراقتى ۇرلاپ كەتكەن بولاتىن. سول كٷنٸ ٸٸم جەنە ۇقك قىزمەتكەرلەرٸنٸڭ ارنايى جەدەل توبى ەسكەري قىزمەتشٸنٸ قولعا تٷسٸردٸ. كەيٸن, 24 اقپاندا ا.بالعىنبايدىڭ ەكٸ سىبايلاسى, 26 اقپاندا تاعى بٸر سىبايلاسى ۇستالدى. قىلمىستىق ٸستەر قوزعالدى.
