«وتباسى بانك» «ەسكەري باسپانا» باعدارلاماسىنا قاتىسۋ تۋرالى ٶتٸنٸمدەردٸ ونلاين فورماتتا قابىلداي باستادى, دەپ حابارلايدى "ۇلت اقپارات" «وتباسى بانكتٸڭ» باسپاسٶز قىزمەتٸنە سٸلتەمە جاساپ.
باعدارلامانىڭ بٸرٸنشٸ ايىندا ليميت بويىنشا 700-دەن استام ەسكەري قىزمەتشٸنٸڭ ٶتٸنٸمٸ قابىلداندى, ەندٸگٸ ٶتٸنٸمدەر كەلەسٸ ايدا قابىلدانادى.
«وتباسى بانك» تۇرعىن ٷي قۇرىلىس جيناق بانكٸ» اق-دا «ەسكەري قىزمەتشٸلەر مەن ارناۋلى مەملەكەتتٸك ورگاندار قىزمەتكەرلەرٸن تۇرعىن ٷيمەن قامتاماسىز ەتۋ» باعدارلاماسى («ەسكەري باسپانا») بويىنشا نەسيە بەرۋدٸ باستادى. باعدارلاماعا تۇرعىن ٷي تٶلەمدەرٸن الاتىن, وتباسى بانكٸندە ارنايى اعىمداعى شوتى بار جەنە بۇعان دەيٸن تۇرعىن ٷي تٶلەمدەرٸن جىلجىمايتىن مٷلٸك ساتىپ الۋعا پايدالانباعان كەز كەلگەن ازامات قاتىسا الادى», - دەپ جازىلعان بانك حابارلاماسىندا.
باعدارلاما بويىنشا نەسيە الۋ شارتتارى ٶزگەرٸسسٸز قالدى: العاشقى/ەكٸنشٸ نارىقتان باسپانا ساتىپ الۋ جەنە جٶندەۋ, العاشقى جارنا 15% -دان باستالادى, پايىزدىق مٶلشەرلەمەسٸ – 8%, جىلدىق تيٸمدٸ سىياقى مٶلشەرلەمەسٸ 8,3%-دان باستالادى. نەسيە مەرزٸمٸ 25 جىلعا دەيٸن سوزىلادى.
«باسپانا تاڭداۋدا ەشقانداي شەكتەۋ جوق. نەسيەنٸ جاڭا نەمەسە قولدانىستاعى تۇرعىن ٷيدٸ ساتىپ الۋ ٷشٸن پايدالانۋعا بولادى. سونداي-اق, مەنشٸكتەگٸ تۇرعىن ٷيدٸڭ بولۋىنا قاتىستى دا شەكتەۋلەر قويىلماعان. نەسيەنٸڭ رۇقسات ەتٸلگەن ەڭ جوعارعى سوماسىن كليەنت تاڭداۋىمەن ەكٸ نۇسقادا ەسەپتەۋگە بولادى: اي سايىنعى تۇرعىن ٷيدٸڭ تٶلەمدەرٸ مەن 15%-دان كەم تٷسپەيتٸن دەپوزيتٸندەگٸ جيناق سوماسىنا سٷيەنە وتىرىپ نەمەسە كليەنتتٸڭ ناقتى كٸرٸسٸ مەن شىعىندارىنا نەگٸزدەلۋگە بولادى», - دەيدٸ بانك.
«ەسكەري باسپانا» باعدارلاماسى بويىنشا نەسيە الۋ ٷشٸن, ٷش قادامدى ورىنداۋ قاجەت:
1) ينتەرنەت-بانكينگتە قاتىسۋعا ٶتٸنٸش بەرۋ (ۆەب-نۇسقاسى https://online.hcsbk.kz );
2) تۇرعىن ٷي تابۋ;
3) ينتەرنەت-بانكينگتە ٶتٸنٸم قابىلدانعاننان كەيٸنگٸ 60 كٷن ٸشٸندە بانك بٶلٸمشەسٸنە بارىپ, نەسيە الۋعا ٶتٸنٸش بەرۋ.
جولدانعان ٶتٸنٸمدەردٸ (ينتەرنەت-بانكينگتە) بانك ۆەدومستۆو مەن ايماقتارعا بٶلمەي, بەلگٸلەنگەن ليميت شەڭبەرٸندە اي سايىن قابىلداپ وتىرادى. ەگەر تۇرعىن ٷي تٶلەمدەرٸن الۋشى وسى ايدا قاتىسۋعا ٶتٸنٸم بەرٸپ ٷلگەرمەسە, ونى كەلەسٸ ايدا جولداي الادى. ينتەرنەت-بانكينگكە جٸبەرٸلگەن ٶتٸنٸم ونىڭ مەرزٸمٸ اياقتالعانشا, ياعني 60 كٷن بويى جويىلمايدى. وسى ۋاقىت ارالىعىندا تۇرعىن ٷي تٶلەمدەرٸن الۋشى باسپانا تاۋىپ, نەسيە الۋعا ٶتٸنٸش بەرٸپ ٷلگەرمەسە, قۇجات كٷشٸن جويادى. بۇل جاعدايدا تۇرعىن ٷي تٶلەمدەرٸن الۋشى ونى بانككە قايتا جولداي الادى.
«2020 جىلى تۇرعىن ٷي تٶلەمدەرٸن الىپ, ونى «وتباسى بانكٸندە» ٷي الامىز دەپ جيناپ جٷرگەن 2 362 قازاقستاندىق ەسكەري قىزمەتشٸ مەن ارناۋلى مەملەكەتتٸك ورگاندار قىزمەتكەرلەرٸ «ەسكەري باسپانا» باعدارلاماسى بويىنشا جەڭٸلدەتٸلگەن شارتتارمەن جالپى سوماسى 51,8 ملرد تەڭگەگە نەسيە رەسٸمدەدٸ. ولاردىڭ ٸشٸندە 1900-گە جۋىعى 15%-دىق العاشقى جارنامەن, جىلدىق 8%-بەن تۇرعىن ٷي زايمىن الدى», -دەيدٸ «وتباسى بانك» اق باسقارما تٶرايىمى لەززات يبراگيموۆا.
«ەسكەري باسپانا» باعدارلاماسىنا ٶتٸنٸم بەرۋ ٷشٸن «وتباسى بانك» ينتەرنەت-بانكينگٸندە جەكە كابينەتكە كٸرٸپ, سول جاق پانەلدەگٸ «ارنايى شوت» پاراقشاسىن اشۋ كەرەك. ەكراندا كٶرسەتٸلگەن «ەسكەري باسپانا» باعدارلاماسىنا قاتىسۋعا ٶتٸنٸم بەرۋ» پەرنەسٸن باسىڭىز. پايدا بولعان سٸلتەمە بويىنشا ٶتٸپ, «ەسكەري باسپانا» باعدارلاماسىنىڭ شارتتارىمەن تانىسىپ, باستاپقى بەتكە قايتا ورالىپ, «ەرٸ قاراي» كومانداسىن ورىنداۋ كەرەك.
ٶز ٶڭٸرٸڭٸزدٸ ەرٸ سٸزگە ىڭعايلى «وتباسى بانكٸنٸڭ» بٶلٸمشەسٸن تاڭداپ, «ەرٸ قاراي» باتىرماسىن باسىڭىز. باعدارلاما شارتتارىمەن تانىسقانىڭىزدى راستايتىن ەلەكتروندى ٶتٸنٸشكە قول قويىڭىز. ول ٷشٸن پايدا بولعان تەرەزەدە بەلگٸ قويىپ, «ەرٸ قاراي» باتىرماسىن باسىڭىز. موبيلدٸ نٶمٸرٸڭٸزگە ارنايى كودى بار SMS جولدانادى. ونى ۇياشىققا ەنگٸزٸپ, «ەرٸ قاراي» باتىرماسىمەن كەلەسٸ قادامعا ٶتٸڭٸز. ەلەكتروندىق ٶتٸنٸممەن تانىسىپ, «ەرٸ قاراي» باتىرماسى ارقىلى ٶتٸنٸم بەرۋدٸ اياقتاڭىز.
ەگەر بەرٸ سەتتٸ جٷزەگە اسسا, مونيتورعا نەسيە الۋعا ٶتٸنٸش بەرۋ ٷشٸن بانك بٶلٸمشەسٸنە جٷگٸنە الاتىن مەرزٸم (60 كٷن) كٶرسەتٸلٸپ, قۇتتىقتاۋى بار حابارلاما كەلەدٸ. سونداي-اق ينتەرنەت-بانكينگتەگٸ جەكە كابينەتٸڭٸزدٸڭ باستى بەتٸندە «ەسكەري باسپانا» باعدارلاماسى بويىنشا نەسيە الۋعا ٷمٸتكەر ەكەنٸڭٸز جەنە بانك بٶلٸمشەسٸنە جٷگٸنۋ قاجەت ۋاقىت ارالىعى كٶرسەتٸلٸپ تۇرادى. بانك بٶلٸمشەسٸنە بارماي تۇرىپ, بانكتٸڭ www.hcsbk.kz سايتى ارقىلى كەزەككە ونلاين جازىلۋ قاجەت.
