فوتو: © Sputnik / تيمۋر باتىرشين
27 جاسقا تولعان ەسكەري بورىشىن ٶتەمەگەن ادامعا ەسكەري بيلەت بەرٸلمەيدٸ. بۇل تۋرالى قورعانىس مينيسترٸنٸڭ ورىنباسارى, گەنەرال-لەيتەنانت سۇلتان كامالەتدينوۆ ايتتى, دەپ حابارلايدى Kazinform.
«ارميياعا تسيفرلىق تەحنولوگييانى ەنگٸزۋ جالعاسىپ جاتىر. ەسكەري مٸندەتتٸنٸ, ەسكەرگە شاقىرىلۋشىنى ەسەپكە الۋ تسيفرلىق فورماتقا اۋىستىرىلدى. بۇل جەرگٸلٸكتٸ ەسكەري باسقارۋ ورگانىنىڭ جۇمىسىن اۆتوماتتاندىرۋعا مٷمكٸندٸك بەردٸ. بيىل بٸز ەۋە قورعانىسى كٷشتەرٸ ٷشٸن اقپاراتتىق جٷيەنٸ قابىلدادىق. بۇل ەلٸمٸزدٸڭ ەۋە كەڭٸستٸگٸن پايدالانۋدا اقپارات اعىمىن اۆتوماتتى رەجيمدە ٶڭدەۋدٸ ارتتىردى. ەۋە شەبٸن قورعاۋدا شەشٸم قابىلداۋ ۋاقىتىن بٸرنەشە ەسە قىسقارتۋعا مٷمكٸندٸك بەردٸ», — دەدٸ قورعانىس مينيسترٸنٸڭ ورىنباسارى ورتالىق كوممۋنيكاتسييالار قىزمەتٸندەگٸ بريفينگتە.
ونىڭ اتاپ ٶتۋٸنشە, حالىقپەن ٶزارا ٸس-قيمىل مەسەلەسٸنە باسا نازار اۋدارىلىپ وتىر.
«قىزمەت ٶتكەرمەگەن, ونىڭ ٸشٸندە 27 جاسقا تولعان ادامعا ەندٸ ەسكەري بيلەت بەرٸلمەيدٸ. ونىڭ ورنىنا ەسكەري مٸندەتتٸلٸك مەرتەبەسٸ ونىڭ Egov جەكە كابينەتٸندە كٶرسەتٸلەدٸ. جۇمىسقا ورنالاسۋ كەزٸندە ەسكەري قىزمەتكە قاتىسى تۋرالى انىقتاما الۋ قاجەت ەمەس. جۇمىس بەرۋشٸ بۇل اقپاراتتى Egov-تان كٶرە الادى. تسيفرلىق ترانسفورماتسييا اياسىندا بٸرقاتار قىزمەتتٸ اۆتوماتتى تٷردە جٷزەگە اسىرۋ مٷمكٸن بولدى. سونىمەن قاتار, 17 جاستاعى ازاماتقا جەكە ٸستٸ جيناقتاۋ پروتسەسٸ تولىعىمەن اۆتوماتتاندىرىلدى. تسيفرلاندىرۋ بويىنشا بارلىق باستاما جٷيەلٸ تٷردە ٸسكە اسادى», — دەدٸ سۇلتان كامالەتدينوۆ.
