قر ٷكٸمەت باسشىسى اسقار مامين حالىقارالىق ەلەكتر بايلانىسى وداعىنىڭ باس حاتشىسى چجاو حوۋلين جەنە دٷنيەجٷزٸلٸك پوشتا وداعىنىڭ باس ديرەكتورى بيشار ا.حۋسسەيندٸ جەنە بايلانىس سالاسىنداعى ايماقتىق دوستاستىق ەكٸمشٸلٸگٸ دەلەگاتسيياسىن قابىلدادى.
جيىن اياسىندا بايلانىس سالاسىنداعى ايماقتىق دوستاستىق ەكٸمشٸلٸگٸ باسشىلارى كەڭەسٸنٸڭ 55-شٸ وتىرىسى جەنە تمد-عا مٷشە مەملەكەتتەردٸڭ اقپاراتتاندىرۋ جٶنٸندەگٸ ٷيلەستٸرۋ كەڭەسٸنٸڭ 25-شٸ وتىرىسى سٶز بولدى. سونداي-اق قازان ايىندا ەگيپەتتە ٶتەتٸن بٷكٸلەلەمدٸك راديو بايلانىسى كونفەرەنتسيياسىنىڭ جۇمىستارى جايىن تالقىلادى.
كەزدەسۋ بارىسىندا ٷكٸمەت باسشىسى قازٸرگٸ تاڭدا ەلٸمٸزدە اقپاراتتاندىرۋ جەنە تسيفرلاندىرۋ جٶنٸندەگٸ جوبالارعا, 5G جەلٸسٸ مەن كەڭ جولاقتى ينتەرنەتكە قولجەتٸمدٸلٸكتٸ ارتتىرۋعا, وتاندىق ەكونوميكانىڭ دامۋى مەن بەسەكەگە قابٸلەتتٸلٸگٸن كٷشەيتۋگە باسا نازار اۋدارىلىپ وتىرعاندىعىن تٸلگە تيەك ەتتٸ.
«2023 جىلدىڭ سوڭىنا دەيٸن «تسيفرلىق قازاقستان» مەملەكەتتٸك باعدارلاماسى نەگٸزٸندە رەسپۋبليكانىڭ بارلىق اۋىلدىق ەلدٸمەكەندەرٸن كەڭ جولاقتى ينتەرنەتپەن قامتۋ جەنە جوعارى تەحنولوگييالىق بايلانىس تٷرلەرٸن قولدانىسقا ەنگٸزۋ جوسپارلانىپ وتىر», - دەيدٸ قر پرەمەر-مينيسترٸ.
سونىمەن قاتار اسقار مامين كٶرشٸلەس رەسەي, قىتاي جەنە ورتالىق ازييا ەلدەرٸنە تەلەكوممۋنيكاتسييالىق ترافيكتٸ قامتاماسىز ەتەتٸن ترانسپورتتىق ينفراقۇرىلىم قۇرۋ جوسپارى تۋرالى دا ايتىپ ٶتتٸ.
پرەمەر-مينيستردٸڭ ايتۋىنشا, قازٸرگٸ ۋاقىتتا ەلٸمٸزدە كاسپيي تەڭٸزٸ ارقىلى ەزەربايجانمەن كەڭ جولاقتى ينتەرنەت ورناتۋ ٷشٸن دايىندىق جۇمىستارى جٷرٸپ جاتىر. بۇل پروتسەسس 2021 جىلدىڭ سوڭىنا دەيٸن اياقتالادى دەپ جوسپارلانعان.
سونىمەن بٸرگە اسقار مامين ايماقتىق دوستاستىق ەكٸمشٸلٸگٸ دەلەگاتسيياسى مٷشەلەرٸن 2020 جىلدىڭ اقپان ايىندا الماتىدا ٶتەتٸن «جاھاندانۋ دەۋٸرٸندەگٸ تسيفرلىق كٷن تەرتٸبٸ 2.0» IV فورۋمىنا قاتىسۋعا شاقىردى.
ايتا كەتسەك, قر پرەزيدەنتٸ ق.توقاەۆ حالىقارالىق ەلەكتر بايلانىسى وداعىنىڭ باس حاتشىسى چجاو حوۋليندٸ قابىلداپ, ينفوكوممۋنيكاتسييالىق تەحنولوگييا سالاسىنداعى بٸرلەسكەن جۇمىستار جٶنٸندە تالقىلادى.
