قر پرەمەر-مينيسترٸ اسقار مامين ينۆەستيتسييالىق احۋالدى جاقسارتۋ جٶنٸندەگٸ كەڭەستٸڭ وتىرىسىن ٶتكٸزدٸ, دەپ حابارلايدى primeminister.kz.
قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ينۆەستيتسييالىق احۋالدى جاقسارتۋ جٶنٸندەگٸ كەڭەستٸڭ (ياجك) وتىرىسىندا قازاقستاننىڭ دٷنيەجٷزٸلٸك ساۋدا ۇيىمىنا (دسۇ) مٷشەلٸك ەتۋٸ مەسەلەلەرٸ قارالدى.
قازاقستاننىڭ دسۇ-عا مٷشەلٸگٸنٸڭ جاي-كٷيٸ مەن كەلەشەگٸن باعالاۋ جٶنٸندەگٸ باياندامالارمەن, سونداي-اق, ەلدەگٸ ينۆەستيتسييالىق احۋالدى جاقسارتۋ جٶنٸندەگٸ ۇسىنىستارمەن قازاقستاندا اككرەديتتەلگەن اقش ەلشٸسٸ ۋ. موزەر, ۇلىبريتانييا ەلشٸسٸ م. گيففورد, كانادا ەلشٸسٸ ن. برۋسسو, ەۋروپالىق وداق ەلشٸسٸ سۆەن-ولوۆ كارلسسون, دسۇ-داعى كانادانىڭ تۇراقتى ٶكٸلٸ س. بوەر, اقش ساۋدا ٶكٸلٸ كٶمەكشٸسٸنٸڭ ورىنباسارى ز. رەيازۋددين, «Shell Kazakhstan» ۆيتسە-پرەزيدەنتٸ جەنە ەلدٸك تٶراعاسى و. لازار, «OMV Petrom» باسقارۋشى ديرەكتورى د. بارۋ, «Globalink» پرەزيدەنتٸ س. حان, «Baker & MacKenzie» سەرٸكتەسٸ ا. يورش سٶز سٶيلەدٸ.
ٷكٸمەت باسشىسى 2050 جىلعا قاراي ەلەمنٸڭ اسا دامىعان 30 ەلٸنٸڭ قاتارىنا كٸرۋ ٷشٸن جٸٶ-نٸڭ جىل سايىنعى ٶسۋ قارقىنىن 5% دەڭگەيٸندە قامتاماسىز ەتۋ قاجەت ەكەنٸن, بۇل رەتتە نەگٸزگٸ كاپيتالعا سالىنعان ينۆەستيتسييالار دەڭگەيٸ 2024 جىلى جٸٶ-نٸڭ 30% دەيٸن جەتۋٸ كەرەك ەكەنٸن اتاپ ٶتتٸ.
«تٸكەلەي شەتەلدٸك ينۆەستيتسييالار – بۇل ينۆەستيتسييالاردىڭ ماڭىزدى كٶزٸ. وسىعان بايلانىستى قازاقستان ينۆەستيتسييا تارتۋ بويىنشا پرواكتيۆتٸ پوزيتسييانى ۇستانۋى كەرەك», — دەدٸ ا. مامين.
پرەمەر-مينيستر 2020 جىلعى ماۋسىمدا نۇر-سۇلتان قالاسىندا دسۇ-نىڭ 12-شٸ مينيسترلەر كونفەرەنتسيياسىن ٶتكٸزۋ جوسپارلانعانىن ايتتى.
«بۇل بٸزگە قازاقستاننىڭ ەكونوميكالىق جەنە ينۆەستيتسييالىق ساياساتىنىڭ اشىقتىعىن كٶرسەتۋگە جول اشادى جەنە ەلٸمٸزدٸڭ كٶپجاقتى ساۋدا جٷيەسٸنە بەلسەندٸ قاتىسۋشى رەتٸندەگٸ مەرتەبەسٸن راستايدى», — دەپ اتاپ ٶتتٸ ا. مامين.
قازاقستان — 2015 جىلدان باستاپ دسۇ-نىڭ رەسمي مٷشەسٸ.
دسۇ-مەن ٶزارا ٸس-قيمىل اياسىندا قازاقستاندا ۆاليۋتالىق رەتتەۋ, باعا بەلگٸلەۋ جەنە بەسەكەلەستٸكتٸ دامىتۋ, سالىق ساياساتى, كەدەندٸك رەتتەۋ, يمپورتتى ليتسەنزييالاۋ, زيياتكەرلٸك مەنشٸك قۇقىعىن قورعاۋ, ٶنٸمنٸڭ قاۋٸپسٸزدٸگٸن قامتاماسىز ەتۋ سالاسىنداعى بٸرقاتار زاڭنامالىق اكتٸلەر جەتٸلدٸرٸلدٸ, سونىڭ ٸشٸندە تەحنيكالىق رەتتەۋ, سانيتارلىق جەنە ۆەتەرينارلىق سيپاتتاعى شارالاردى قابىلداۋ ارقىلى جٷزەگە اسىرىلدى.
قازاقستانداعى بيزنەس جٷرگٸزۋ رەسٸمدەرٸن جەڭٸلدەتۋ جەنە ينۆەستيتسييالىق احۋالدى جاقسارتۋ ماقساتىندا 50-دەن استام زاڭنامالىق اكتٸلەرگە ٶزگەرٸستەر ەنگٸزٸلدٸ. وسى جىلدىڭ ماۋسىم ايىندا قازاقستان رەسپۋبليكاسىنىڭ ساۋدا جەنە ينتەگراتسييا مينيسترلٸگٸ قۇرىلدى, ول دسۇ-مەن ٶزارا ٸس-قيمىل مەسەلەلەرٸن ٸلگەرٸلەتۋدٸ قوسا العاندا, ەلٸمٸزدٸڭ ٸشكٸ جەنە سىرتقى ساۋدا ساياساتىن قالىپتاستىرۋعا جەنە جٷزەگە اسىرۋعا باعىتتالعان.
